1 Zan 2:6 - Labib An Kreol Seselwa

⁶ Sa enn ki dir ki i ini avek li, i devre mars dan menm semen kot li menm in marse.

1 Zan 2:6 ပူးပေါင်းရင်းမြစ်များ

Psonm 85:13

Lazistis ava mars devan li e tras en semen pour li.

Matye 11:29

Pran mon fardo e aksepte mon lansennyman, akoz mon dou e dan mon leker i annan limilite e zot ava kapab repoze.

Levanzil dapre Zan 13:15

Annefe, mon'n donn zot en legzanp, pour ki zot osi, zot ava fer parey mon'n fer.

Levanzil dapre Zan 15:10

Si zot obei mon bann komannman, zot pou reste dan mon lanmour, parey mwan, mon'n obei komannman mon Papa e mon reste dan son lanmour.

1 Korentyen 11:1

Swiv mon legzanp, parey mon swiv legzanp Kris.

Efezyen 5:2

Viv dan lanmour, parey Kris in kontan nou e donn son lavi pour nou, koman en lofrann e en sakrifis ki fer plezir Bondye.

1 Pyer 2:21

Pour sa rezon ki Bondye in apel zot, akoz Kris li menm in soufer pour zot; i'n les zot en legzanp pour zot swiv.

1 Zan 2:28

Wi! Mon bann zanfan! Reste ini avek Kris, de sort ki kan i ava aparet, nou ava ranpli avek konfyans, e nou pa pou onte devan li, ler i vini.

1 Zan 2:4

Sa enn ki dir: Mon konn li. Me i pa gard son komannman, i en manter; laverite pa dan li.

1 Zan 3:24

Sa enn ki obei komannman Bondye i viv dan Bondye, e Bondye i prezan dan li. Nou konnen ki Bondye i prezan dan nou, gras a Lespri Sen ki i'n donn nou.

1 Zan 3:6

Sa enn ki reste ini avek li, pa fer pese. Sa enn ki fer pese pa'n war li e pa'n zanmen konn li.

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.