1 Zan 2:5 - Labib An Kreol Seselwa

⁵ Me sa enn ki gard son parol, lanmour Bondye i vreman parfe dan li. Konmsa, nou asire ki nou ini avek li.

1 Zan 2:5 ပူးပေါင်းရင်းမြစ်များ

Psonm 105:45

Konmsa, zot in kapab gard son bann komannman e obzerv son bann lalwa. Loue SENYER!

Psonm 106:3

I byennere sa enn ki fer sa ki drwat e ki touzour pratik lazistis.

Psonm 119:146

Mon kriy ou; vin sov mwan pour mwan kapab met an pratik ou bann lord.

Psonm 119:2

Byennere sa bann ki gard son bann lord, ki rod li avek tou zot leker.

Psonm 119:4

Ou'n donn ou bann direktiv pour ki zot ganny met an pratik avek swen.

Proverb 28:7

Sa enn ki obzerv lalwa i en garson bon rezonnman. Me sa enn ki annan bann move frekantasyon, i fer laont son paran.

Proverb 8:32

Aprezan, mon bann zanfan! Ekout mwan. Byennere sa bann ki swiv mon semen.

Eklezyas 8:5

Sa ki obei lord, pa pou ganny okenn problenm; me en zonm saz i konnen kan e ki mannyer fer keksoz.

Ezekyel 36:27

Mon pou met mon lespri dan zot pour ki zot obeir mon bann lalwa e met an pratik mon bann regleman.

Levanzil dapre Lik 11:28

Me Zezi ti dir, “Ere plito sa enn ki ekout Parol Bondye e met li an pratik.”

Levanzil dapre Zan 14:21

Sa enn ki kontan mwan, i posed mon bann komannman e i met zot an pratik. Mon Papa pou kontan sa enn ki kontan mwan. Mwan osi, mon pou kontan li e mon pou fer li konn mwan.

Levanzil dapre Zan 14:23

Zezi ti reponn, “Sa enn ki kontan mwan, pou obei mon bann parol. Mon Papa pou kontan li. Nou pou vin kot li e nou pou reste avek li.

Levanzil dapre Zan 15:5

Mwan pye rezen, e zot, zot bann brans. Sa enn ki reste ini avek mwan e mwan avek li, ava raport bokou fri. San mwan, zot pa kapab fer nanryen.

Levanzil dapre Zan 6:56

Sa enn ki manz mon laser e bwar mon disan, i viv dan mwan e mwan, dan li.

Romen 8:1

Aprezan, i nepli annan okenn kondannasyon pour sa bann ki ini avek Zezi-Kri.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

2 Korentyen 5:17

Osi, si en dimoun i ini avek Kris, i en kreasyon nouvo: Sa ki vye in disparet; sa ki nouvo ki la.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Let Zak 2:22

Ensi, ou war ki son lafwa ti travay ansanm avek son aksyon e son lafwa ti ganny konplete par son bann aksyon.

1 Zan 3:24

Sa enn ki obei komannman Bondye i viv dan Bondye, e Bondye i prezan dan li. Nou konnen ki Bondye i prezan dan nou, gras a Lespri Sen ki i'n donn nou.

1 Zan 4:17

Si lanmour i parfe dan nou, nou annan sa konfyans pour zour Zizman, akoz nou lavi isi lo later i parey lavi Zezi-Kri.

1 Zan 4:18

Dan lanmour, napa okenn lafreyer. Lanmour parfe i fer disparet lafreyer, akoz lafreyer i fer mazin pinisyon. Sa enn ki per, son lanmour pa parfe.

1 Zan 5:2

La koman nou konnen ki nou kontan bann zanfan Bondye: Kan nou kontan Bondye e obei son bann komannman.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

2 Zan 1:6

Sa lanmour, se ki nou viv dapre bann komannman Bondye. Sanmenm sa komannman dan lekel nou devre viv, parey nou'n tande depi o konmansman.

Revelasyon 12:17

Alor, dragon ti ankoler avek sa fanm. I ti ale pour fer lager kont leres desandans sa fanm, kont tou sa bann ki obei komannman Bondye e ki reste fidel avek temwannyaz Zezi.

Revelasyon 14:12

Pour sa rezon, bann ki pour Bondye, zot devre persevere, obei bann komannman Bondye e gard lafwa dan Zezi.