1 Zan 2:1 - Labib An Kreol Seselwa

¹ Mon bann pti zanfan! Mon pe ekri zot sa, pour ki zot pa komet okenn pese. Me si i annan parmi zot ki komet pese, nou annan en avoka kot Bondye. Sa i Zezi-Kri, ki nou Lazistis.

1 Zan 2:1 ပူးပေါင်းရင်းမြစ်များ

Psonm 4:4

Tranble dan ou leker, pa fer pese. Lo ou lili, medit dan ou leker e reste trankil.

Ezekyel 3:21

Me si ou averti sa zonm pour li pa fer pese e i arete, i pou sirman viv, akoz i'n ekout ou lavertisman; me ou, ou ava sov ou lavi.

Zakari 9:9

Fiy Siyon! Danse avek lazwa. Fiy Zerizalenm! Kriy byen for! Ou lerwa pe vin kot ou! I pe vin an triyonf e viktorye; i pe vini koman en dimoun senp, lo en bourik, en pti bourik, piti en femel bourik.

Levanzil dapre Lik 10:22

Mon Papa in donn mwan tou pouvwar. Personn pa konnen ki son Garson i ete, eksepte son Papa, e personn pa konn mon Papa, eksepte son Garson ek bann ki son Garson in swazir pour revel li.”

Levanzil dapre Zan 10:15

Parey mon Papa i konn mwan e mwan mon konn mon Papa, mon donn mon lavi pour mon bann mouton.

Levanzil dapre Zan 13:33

Mon bann pti zanfan! Mon pou avek zot pour zis ankor en pti pe letan. Zot pou rod mwan. Me parey mon ti dir bann Zwif, la mon pe dir zot osi: Kot mon pe ale, zot pa kapab vini.

Levanzil dapre Zan 14:16

Mwan, mon pou demann Papa, donn zot en lot Konseye pour ki i reste avek zot pour touzour.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 21:5

Alor, Zezi ti demann zot, “Zanfan! Eski zot in atrap pwason?” Zot ti reponn li, “Non!”

Levanzil dapre Zan 5:14

Plitar, Zezi ti zwenn li dan Tanp. I ti dir li, “Ekout mwan! Aprezan ki ou'n geri, aret fer pese, sinon keksoz pli grav ava kapab ariv ou.”

Levanzil dapre Zan 5:36

Me mon annan en temwannyaz dan mon faver, en temwannyaz ki pli gran ki temwannyaz Zan. Annefe, sa bann travay ki mon pe fer, se mon Papa ki'n donn mwan pou fer. Zot menm ki koz dan mon faver e montre ki mon Papa ki'n anvoy mwan.

Levanzil dapre Zan 6:27

Pa travay pour nouritir ki gate, me travay pour nouritir ki dire pour lavi eternel. Sa nouritir, Fis-de-Lonm ki pou donn zot, akoz Bondye, mon Papa, in met mark son lotorite lo li.”

Levanzil dapre Zan 8:11

Sa fanm ti reponn, “Non, Senyer, personn.” Zezi ti dir li, “Alor mwan osi, mon pa kondann ou. Ale, me pa bezwen fer pese ankor.”

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

Romen 5:10

Kan nou ti ankor lennmi Bondye, nou ti ganny rekonsilye avek li par lanmor son Garson. A pli fort rezon, aprezan ki nou'n rekonsilye avek li, nou pou ganny sove par lavi son Garson.

Romen 6:15

Alor, eski nou ava fer pese akoz nou pa anba Lalwa, me anba lagras Bondye? Pa ditou!

Romen 8:34

Alor, lekel ki kapab kondann zot? Personn, akoz Zezi-Kri li menm ki'n mor. Me anplis, i'n resisite e i lo kote drwat Bondye e i pe entersed pour nou.

1 Korentyen 15:34

Serye zot, e aret fer pese. Serten parmi zot pa konn Bondye; sa i fer zot laont.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Galat 4:19

Mon bann zanfan! Mon pe soufer ankor pour zot, parey en fanm ki pe akouse, ziska ki Kris in fini formen dan zot.

Efezyen 2:18

Annefe, par Kris, nou tou, Zwif e non-Zwif, nou kapab prezant nou devan Bondye avek led sa menm Lespri Sen.

Efezyen 4:26

Si zot pran lakoler, fer atansyon pour zot pa tonm dan pese, e fer atansyon pa les zot lakoler dire ziska aswar.

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

1 Timote 3:14

Mon pe ekri ou sa let, me avek lespwar vin war ou byento.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Let Zak 1:27

La sa ki Bondye Papa i konsider koman en relizyon pir e san defo: Pran swen bann orfelen ek bann vev dan zot detres; pa les ou ganny sali par salte sa monn.

Let Zak 3:9

Avek lalang nou loue Senyer, nou Papa, me nou osi modi bann et imen ki'n ganny kree dan resanblans Bondye.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.

1 Zan 3:18

Mon bann zanfan! Annou pa kontan zis par bann zoli parol, e zoli diskour, me montre par nou bann aksyon ki nou lanmour i vre.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.

1 Zan 4:4

Me zot, mon bann zanfan! Zot pour Bondye e zot in ranport laviktwar lo bann fo profet, akoz sa enn ki dan zot, i pli gran ki sa enn ki dan lemonn.

1 Zan 5:17

Tou move aksyon i en pese, me i annan pese ki pa anmenn lanmor.

1 Zan 5:21

Mon bann pti zanfan! Prezerv zot kont bann zidol.

3 Zan 1:4

Napa nanryen ki rann mwan pli ere, kan mon aprann ki mon bann zanfan pe viv dan laverite.