1 Zan 1:8 - Labib An Kreol Seselwa

⁸ Si nou pretann ki nou san pese, nou pe anbet nou lekor e laverite pa dan nou.

1 Zan 1:8 ပူးပေါင်းရင်းမြစ်များ

1 Rwa 8:46

Kan zot ava'n fer pese kont ou, akoz napa imen ki fer pa pese; kan ou pou ankoler kont zot e livre zot avek zot lennmi; kan zot ava ganny anmennen koman prizonnyen dan pei zot lennmi, pre koman lwen,

2 Rwa 20:15

Ezai ti dir, “Ki zot in war dan ou pale?” Ezekyas ti reponn, “Zot in war tou sa ki dan mon pale; napa nanryen ki dan mon bann magazen ki mon pa'n montre zot.”

2 Kronik 6:36

Kan zot fer pese kont ou, akoz tou dimoun i fer pese, ki eksit ou lakoler kont zot e ou livre zot avek zot lennmi, ki deport zot dan en pei lwen oubyen pros;

Liv Zob 14:4

Lekel ki kapab fer sa ki pir sorti dan sa ki enpir? Personn pa kapab.

Liv Zob 15:14

Ki en imen i ete, pour li krwar ki i pir? Sa enn ki en fanm in met omonn, ki i krwar i ete pour li dir ki i zis?

Liv Zob 25:4

Koman en zonm i kapab zis devan Bondye? Koman zanfan ki en fanm in donn nesans, i kapab pir devan Bondye?

Liv Zob 9:2

Mon konnen tousala i vre. Me eski en imen i kapab ganny rezon devan Bondye?

Psonm 143:2

Pa ziz ou serviter, akoz napa personn ki zis devan ou.

Proverb 20:9

Lekel ki kapab dir: Mon leker i kler; mon pa'n komet okenn pese?

Eklezyas 7:20

Lo later, napa en sel zis, ki fer zis sa ki byen san komet en pese.

Ezai 53:6

Nou tou, nou ti eran. Parey en troupo mouton, ki'n perdi semen, sakenn ti al dan son prop direksyon. SENYER in plas lo li tou nou bann krim.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Zeremi 2:35

Ou pretann ki ou inosan, e ki mon pa devre pini ou. Akoz ou deklare ki ou pa'n fer nanryen mal, mon pou met ou ankour.

Levitik 13:12

Me si sa maladi lapo ki parey lalep i devlop lo son lapo, e ki i kouver lapo antye sa dimoun malad, depi son latet ziska son lipye, dapre sa ki i kapab war,

Levanzil dapre Zan 8:44

Zot, dyab ki zot papa, e se dezir zot papa ki zot oule realize. Depi o konmansman i en kriminel, i pa'n zanmen kontan laverite, akoz napa laverite dan li. Kan i koz manti, i koz dapre son natir, akoz i manter e papa tou mansonz.

Romen 3:10

Annefe, Lekritir i deklare: Napa personn ki zis, pa menm en sel.

Romen 3:23

Annefe, tou dimoun in fer pese e in perdi mazeste Bondye.

1 Korentyen 3:18

Fodre pa ki personn i anbet son lekor: Si enn parmi zot i krwar ki i malen dapre sa lemonn, fodre ki i vin fou pour li ganny lasazes,

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

1 Timote 6:5

e bann diskisyon ki pa zanmen fini ant dimoun ki lespri in fose e ki'n perdi tou nosyon laverite. Zot krwar ki lafwa dan Bondye i en mwayen pour vin ris.

2 Timote 3:13

Me bann malfeter ek bann tronper pou touzour fer progre dan sa ki mal. Zot pou tronp lezot, me zot osi, zot pou ganny tronpe.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

Let Zak 3:2

Nou tou, nou komet lerer dan plizyer mannyer. Si en dimoun pa zanmen komet lerer dan sa ki i dir, i en dimoun parfe ki kapab kontrol son lekor antye.

2 Pyer 2:13

Konmsa ki zot pou rekolte lapey zot bann lenzistis. Zot pran gran plezir satisfer zot prop dezir an plen zour. Kan zot fer lafet avek ou, zot pran plezir dan mansonz. Zot prezans i degoutan e fer onte.

1 Zan 1:10

Si nou dir ki nou napa pese, nou fer Bondye pas pour en manter e son parol pa dan nou.

1 Zan 1:6

Si nou dir ki nou ini avek li, e anmenmtan nou pe viv dan fernwanr, nou pe koz manti e nou pa pe pratik laverite.

1 Zan 2:4

Sa enn ki dir: Mon konn li. Me i pa gard son komannman, i en manter; laverite pa dan li.

1 Zan 4:20

Si en dimoun i dir: Mon kontan Bondye me i deteste son frer, i en manter. Annefe, si en dimoun i deteste son frer ki i war, i pa kapab kontan Bondye ki i pa war.

2 Zan 1:2

Sa laverite i dan nou, e i pou reste avek nou pour touzour.

3 Zan 1:3

Mon ti byen kontan kan bann frer ti arive e rann temwannyaz lo laverite ki dan ou lavi, e fason ki ou pe viv dan laverite.