1 Zan 1:3 - Labib An Kreol Seselwa

³ Tou sa ki nou'n war e tande, nou'n osi anons zot, pour ki zot osi, zot ava ini avek nou. Annefe, nou an kominyon avek Bondye, nou Papa e avek son Garson, Zezi-Kri.

1 Zan 1:3 ပူးပေါင်းရင်းမြစ်များ

Liv Zob 13:1

Tou sa ki zot in dir, mon lizye in war, mon zorey in tande e mon'n konpran.

Psonm 2:7

Mon pou proklanm bann regleman SENYER. I ti dir mwan: Ou mon garson; ozordi mon'n vin ou papa.

Psonm 22:22

Mon pou anons ou non avek mon bann frer. Mon pou loue ou devan lasanble.

Ezai 66:19

Mon pou met en siny parmi zot. Mon pou anvoy en pe bann sirvivan kot bann nasyon: Tarsis, Pout ek Loud, bann ki konn byen tir fles, Toubal ek Lagres; dan bann zil elwannyen ki pa'n antann mon non rezonnen ni war mon laglwar; zot pou anons mon laglwar parmi bann nasyon.

Nonm 10:32

Si ou vin avek nou, ou ava ganny en par dan sa ki SENYER pou donn nou.”

Levanzil dapre Zan 17:11

Aprezan, mon nepli dan lemonn, me zot, zot dan lemonn, e mwan, mon pe vin kot ou. Papa Sen! Prezerv zot par pouvwar ou non, sa non ki ou ti donn mwan, pour ki zot ava vin en sel, parey ou ek mwan nou en sel.

Levanzil dapre Zan 17:21

Mon priye pour ki zot tou, zot ava vin en sel. Parey ou mon Papa, ou dan mwan e mwan mon dan ou; ki zot osi, zot ava dan nou. Konmsa, lemonn ava krwar ki ou ki'n anvoy mwan.

Levanzil dapre Zan 17:25

Papa! Ou ki zis, lemonn pa'n konn ou. Me mwan, mon'n konn ou, e zot konnen ki se ou, ki'n anvoy mwan.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 19:35

Sa enn ki pe rakont sa bann levennman, ti war li menm e sa ki i rakonte i vre. I konnen ki i pe dir laverite pour ki zot osi, zot krwar.

Akt de Zapot 13:32

E nou, nou pe anons zot sa Bonn Nouvel: Promes ki Bondye ti fer avek nou bann zanset,

Akt de Zapot 13:41

Gete, zot ki kontan boufonnen, reste etonnen, e disparet! Annefe, mon pou fer en mervey, dan zot letan; si dimoun ti ava rakont zot, zanmen zot ti pou krwar.

Akt de Zapot 2:42

Zot ti konsakre bokou letan pour aprann lansennyman bann zapot. Zot ti viv ansanm, koman frer; zot ti partaz dipen, e pas letan dan lapriyer.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

Akt de Zapot 4:20

Kanta nou, nou pa kapab aret koz lo sa ki nou'n war e tande.”

Romen 15:27

Zot in deside fer sa par zot menm. Me an realite, se en det ki zot pe pey zot bann frer Zerizalenm. Annefe, bann non-Zwif in partisip dan benefis spirityel bann ki'n konverti. Aprezan, i zot devwar pour rann servis lo kote materyel.

1 Korentyen 1:30

Me Bondye in ini zot avek Zezi-Kri ki i'n fer vin nou lasazes: Kris ki rann nou zis devan Bondye, ki permet nou viv pour Bondye e ki delivre nou dan pese.

1 Korentyen 1:9

Bondye i fidel dan son promes; li menm sa Bondye ki'n apel zot pour viv dan lakominyon avek son Garson Zezi-Kri, nou Senyer.

1 Korentyen 15:1

Mon bann frer ek ser! Aprezan, mon oule rapel zot Bonn Nouvel ki mon'n anons zot, ki zot in resevwar, avek ki zot reste atase.

Efezyen 3:6

Sa sekre, se ki par mwayen Bonn Nouvel, bann non-Zwif i osi destinen pour ganny en par dan menm leritaz ki Bondye in rezerve pour son pep. Zot manm en menm lekor e zot osi, zot benefisye dan menm promes ki Bondye in fer dan Zezi-Kri.

Filipyen 1:7

I normal ki mon annan en tel santiman anver zot tou. Annefe, zot tou, zot annan en plas spesyal dan mon leker. Zot tou, zot partisip dan sa don ki Bondye in akord mwan, ozordi ki mon dan prizon, parey yer, kan mon ti pe defann Bonn Nouvel e anons li avek kouraz.

Filipyen 2:1

Si Kris i rann zot pli for, si son lanmour i donn zot kouraz? Si son lespri i ini zot. Si zot annan lafeksyon ek labonte pour kanmarad.

Filipyen 3:10

Annefe, tou sa ki mon dezire, se konn Kris ek pwisans son rezireksyon; partisip dan son bann soufrans, pour vin parey li dan son lanmor,

Kolosyen 1:13

Annefe, i'n fer nou sorti dan pwisans teneb e i'n transfer nou dan rwayonm son Garson byenneme.

1 Tesalonisyen 1:10

Zot pe espere ki son garson i retournen sorti dan lesyel. Li menm ki Bondye i'n resisite. In delivre nou kont lakoler Bondye ki pe vini.

1 Timote 6:2

Bann lesklav ki zot met i krwayan, fodre pa ki zot mank respe anver li, anba preteks ki zot frer. O kontrer, zot devre servi sa bann met pli byen ankor, akoz sa ki pe benefisye zot servis, zot bann krwayan ki Bondye i kontan. La sa ki ou devre ansennyen e rekomande:

Ebre 2:12

Annefe, i ti deklare: Mon pou anons ou non avek mon bann frer. Mon pou loue ou devan lasanble.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

2 Pyer 1:16

Annefe, nou pa'n baz nou lo bann fab konplike pour fer zot konn retour pwisan nou Senyer Zezi-Kri. Nou'n war son grander avek nou prop lizye.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

1 Zan 1:5

La mesaz ki nou'n tande sorti kot Zezi-Kri e ki nou'n anons zot: Bondye i lalimyer; dan li napa okenn fernwanr.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.