1 Zan 1:2 - Labib An Kreol Seselwa

² Annefe, lavi in aparet, nou'n war li, nou rann temwannyaz e nou anons zot lavi eternel, ki ti kot son Papa e ki i'n revel avek nou.

1 Zan 1:2 ပူးပေါင်းရင်းမြစ်များ

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 1:4

Laparol ti sours lavi; lavi ti lalimyer pour tou zabitan lemonn.

Levanzil dapre Zan 10:28

Mon donn zot lavi eternel, zot pa pou zanmen mor. Personn pa pou zanmen repran zot avek mwan.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 15:27

Zot osi, zot ava mon bann temwen, akoz zot in avek mwan depi o konmansman.”

Levanzil dapre Zan 16:28

Mon'n sorti kot Papa, mon'n vin dan lemonn. Aprezan, mon pe kit lemonn pour retourn kot Papa.”

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 17:5

Aprezan Papa, glorifye mwan dan ou prezans avek sa menm mazeste ki mon ti annan avek ou, avan kreasyon lemonn.

Levanzil dapre Zan 19:35

Sa enn ki pe rakont sa bann levennman, ti war li menm e sa ki i rakonte i vre. I konnen ki i pe dir laverite pour ki zot osi, zot krwar.

Levanzil dapre Zan 21:14

Sa ti fer trwazyenm fwa ki Zezi ti aparet avek son bann disip depi ki i ti'n resisite.

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Levanzil dapre Zan 7:29

Me mwan mon konn li, akoz mon sorti kot li e se li menm ki'n anvoy mwan.”

Levanzil dapre Zan 8:38

Mwan, mon dir sa ki mon'n war kot mon Papa. Me zot, zot fer sa ki zot in antann avek zot papa.”

Akt de Zapot 1:22

depi batenm Zan ziska zour ki i ti kit nou pour mont dan lesyel. Fodre ki enn sa bann zonm, i vin avek nou, temwen son rezireksyon.”

Akt de Zapot 10:41

non pa avek tou dimoun, me avek nou ki Bondye in swazir davans koman son bann temwen. Nou'n manze e bwar ansanm avek li apre ki Bondye ti'n resisit li.

Akt de Zapot 2:32

Sa Zezi, Bondye in resisit li, e nou tou, nou temwen.

Akt de Zapot 3:15

Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.

Akt de Zapot 5:32

Nou, nou temwen sa bann levennman, ensi ki Lespri Sen ki Bondye in donn bann ki obei li.”

Romen 8:3

Bondye in fer sa ki Lalwa Moiz pa ti kapab, akoz febles natir imen ti rann lalwa enpwisan. Bondye in anvoy son prop Garson dan en natir parey natir pese. I'n kondann pese dan natir imen.

Galat 4:4

Me, kan letan fikse ti'n arive, Bondye ti anvoy son prop Garson ki ti ne koman en et imen, anba soumisyon Lalwa.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

2 Timote 1:10

Me aprezan, i'n manifeste sa lagras par laparisyon nou Sover, Zezi-Kri, ki'n detri pouvwar lanmor e ki par Bonn Nouvel, in revel nou lavi imortel.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

1 Pyer 5:1

Aprezan mon adres mwan avek bann ansyen ki la parmi zot. Mwan osi, mon en ansyen parey zot. Mon temwen bann soufrans Kris, e mon pou partisip dan laglwar ki pou ganny revele.

1 Zan 1:1

Nou pe anons zot Parol lavi ki ti egziste depi o konmansman, ki nou'n tande, e ki nou'n war avek nou prop lizye. Nou'n kontanple li e nou'n tous li avek nou lanmen.

1 Zan 2:25

Promes ki i'n fer nou, se lavi eternel.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.

1 Zan 4:2

La koman zot kapab rekonnet Lespri Bondye: Sa enn ki afirmen ki Zezi in vreman vin koman en zonm, i posed Lespri Bondye.

1 Zan 5:11

La sa temwannyaz: Bondye in donn nou lavi eternel, e sa lavi i dan son Garson.

1 Zan 5:13

Mon'n ekri zot tousala, pour fer zot konnen ki zot ki krwar dan non Garson Bondye, zot annan lavi eternel.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.