1 Timote 6:9 - Labib An Kreol Seselwa

⁹ Me bann ki oule vin ris, zot tonm dan tantasyon e dan pyez en kantite dezir fou e visye, ki plonz dimoun dan larin e provok zot maler.

1 Timote 6:9 ပူးပေါင်းရင်းမြစ်များ

1 Rwa 21:6

I ti reponn, “Mon'n esey koz avek Nabot, en zabitan Zizreel. Mon ti dir li: Donn mwan ou plantasyon rezen, e mon ava pey ou avek larzan oubyen si ou prefere, mon ava donn ou en lot plantasyon annesanz. I ti reponn mwan: Mon pa pou donn ou mon plantasyon rezen.”

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Proverb 20:21

Fortin ki ou ganny tro vit pa pou profit ou plitar.

Proverb 21:6

Sa enn ki vin ris par mansonz, son bann aki napa valer

Proverb 22:16

Sa enn ki kraz en pov pou rann li ris; sa enn ki donn en ris, pou vin pov li menm.

Proverb 23:4

Pa fatig ou pour vin ris; ganny ase lespri pour ou refize.

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Zakari 11:5

Dimoun ki aste zot, i touy zot, san ganny pini. Dimoun ki vann zot, zot dir: Loue SENYER, akoz mon'n vin ris. Zot prop berze napa okenn pitye pour zot.

Nonm 31:8

Zot ti touy osi sa senk lerwa Madyann: Evi, Rekenm, Zour, Hour, Reba. Zot ti osi touy Balaanm, garson Beor.

Matye 13:22

Bann lagrenn ki tonm parmi bann zarbis pikan, zot parey sa bann dimoun ki antann Laparol, me traka lemonn, plezir lavi ek larzan i touf Laparol e zot pa prodwir okenn fri.

Matye 19:22

Kan sa zonm ti antann sa, i ti ale byen tris, akoz i ti annan bann gran larises.

Matye 26:15

I ti demann zot, “Ki zot pou donn mwan si mon livre zot Zezi?” Zot ti pey li 30 pyes larzan.

Matye 6:19

Pa anmas zot larises lo later, kot i ganny detri par lever ek larouy, kot voler i kas lakaz pour vole.

Mark 4:19

Me traka lavi, plezir larises avek tou lezot dezir, i penetre dan zot e touf Laparol. Alor, zot pa prodwir okenn fri.

Levanzil dapre Lik 12:21

Zezi ti azoute, “Sanmenm sa ki arive avek sa enn ki anmas larises pour li menm, me ki pa ris devan Bondye.”

Levanzil dapre Lik 21:35

parey en pyez, akoz i pou tonm lo tou bann zabitan later.

Akt de Zapot 8:20

Me Pyer ti reponn li, “Ou larzan ava mor ansanm avek ou, akoz ou mazinen ki ou kapab aste kado Bondye avek larzan.

Efezyen 4:22

Zot devre alor debaras zot avek zot vye natir, ki ti zot fason viv otrefwa, ki ti anmenn larin par son bann dezir tronper.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

1 Timote 3:7

Anplis, i devret en zonm ki ganny byen respekte par bann non-kretyen. Konmsa, personn pa ava dir dimal lo li, e i pa ava tonm dan bann pyez dyab.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

2 Timote 2:26

Alor, zot ava retourn dan zot bon sans e debaras zot dan pyez kot dyab in graponn zot, pour fer zot soumet anba son lavolonte.

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Zozye 7:11

Izrael in fer pese; zot in kas mon lalyans ki mon ti'n fer avek zot. Zot in pran serten lobze ki ti devre ganny detri; zot in vole e kasyet sa bann lobze vole parmi zot bann posesyon.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.