1 Timote 6:5 - Labib An Kreol Seselwa

⁵ e bann diskisyon ki pa zanmen fini ant dimoun ki lespri in fose e ki'n perdi tou nosyon laverite. Zot krwar ki lafwa dan Bondye i en mwayen pour vin ris.

1 Timote 6:5 ပူးပေါင်းရင်းမြစ်များ

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Matye 12:33

“Pour ganny en bon fri, ou bezwen annan en bon pye fri. Si ou pye fri i move, ou pou ganny move fri. Annefe, ou rekonnet en pye dibwa par son fri.

Matye 21:13

I ti dir zot, “I'n ekri: Mon lakaz pou ganny apele en lakaz lapriyer. Me zot, zot in fer li vin en kavern voler.”

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

1 Korentyen 11:16

Si i annan dimoun ki oule diskit lo sa size, ni Legliz Bondye ni nou menm, nou napa sa labitid.

2 Tesalonisyen 3:6

Mon bann frer ek ser! Nou donn zot sa lord lo non nou Senyer Zezi-Kri: Evit asosye zot avek bann frer parese ki pa oule travay, e ki pa oule viv dapre lansennyman ki nou'n transmet zot.

1 Timote 1:6

Serten pa'n swiv sa legzanp e zot in egare dan bann diskisyon bet.

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

1 Timote 3:8

Bann dyak osi, zot devret serye e annan en sel parol. Fodre pa ki zot kontan bwar, ni kontan gen malonnet.

1 Timote 4:7

Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

1 Timote 6:6

Sertennman ki lafwa dan Bondye i en gran sours larises pour sa enn ki kontant li avek sa ki i annan.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

2 Timote 3:8

Parey ki bann mazisyen Zannes ek Zanbres ti opoz Moiz, sa bann zans, zot opoz laverite. Zot en bann zonm avek lespri koronpi e zot lafwa pa vo nanryen.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

2 Pyer 2:15

Zot in abandonn vre semen e zot in egare lo zot larout. Zot in swiv menm semen ki Balaanm, garson Bosor ki ti kontan larzan, ki i ti gannyen pour fer lemal.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.

Let Zid 1:11

Maler lo zot! Zot in swiv menm semen ki Kaen. Pour larzan, zot in livre zot dan menm lerer ki Balaanm. Zot in ganny detri akoz zot in revolte parey Kore.

Revelasyon 18:13

kannel, lezot zepis, parfen, lamir, lansan, diven, delwil, lafarin ek dible, bef ek mouton, seval ek kales, lesklav e menm bann trafik imen.

Revelasyon 18:3

Tou bann nasyon in bwar diven son gran prostitisyon. Bann lerwa later in fer prostitisyon avek li. Bann marsan lo later in anrisi par pouvwar son larises.