1 Timote 6:4 - Labib An Kreol Seselwa

⁴ sa dimoun i gonfle avek lorgey e i pa konn nanryen. I ganny maladi diskisyon ek dispit lo size bann mo. Sa i lakoz zalouzi, dispit, kalonmni, move soupson,

1 Timote 6:4 ပူးပေါင်းရင်းမြစ်များ

Proverb 13:7

Serten i fer sanblan i ris alor ki i napa nanryen. Serten i fer sanblan ki i pov alor ki i ris.

Proverb 25:14

Sa enn ki promet kado ki i pa zanmen donnen, i parey nyaz ek divan ki pa anmenn lapli.

Proverb 26:12

I annan plis lespwar rankontre en fou, ki rankontre en zonm ki krwar i saz.

Ezai 58:4

Ler zot fer en zenn zot pas zot letan dispit, lager e tir koudpwen. Pa avek sa kalite zenn ki zot pe fer ozordi ki zot pou fer tande zot lavwa lao.

Akt de Zapot 15:2

En gran diskisyon ti leve lo sa size, ant sa bann zonm, avek Pol ek Barnabas. Alor, zot ti deside ki Pol ek Barnabas, akonpannyen par detrwa lezot frer, zot mont Zerizalenm pour diskit sa problenm avek bann zapot ek bann ansyen.

Akt de Zapot 18:15

Pour bann diskisyon lo bann mo, bann non e lo zot prop lalwa, zot menm, debrouy zot. Mwan, mon pa kapab ziz en zafer parey.”

Akt de Zapot 8:9

Me ti annan dan sa menm lavil, en zonm ki ti apel Simon. Pandan en pe letan, i ti pe etonn bann zabitan Samari par son bann pratik mazik. I ti fer li pas pour en zonm byen enportan.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

Romen 13:13

Annou konport nou avek dinyite parey dimoun ki pe viv an plen zour. Annou prezerv nou kont bann move fason viv tel ki: Fer parti bwar, dezord ek vis, dispit ek zalouzi.

Romen 14:1

Akey sa enn ki feb dan lafwa, san kritik son lopinyon.

Romen 2:8

Me i ava montre son lakoler ek son mekontantman anver bann ki revolte kont li, bann ki opoz laverite e ki ganny enfliyanse par lenzistis.

1 Korentyen 11:16

Si i annan dimoun ki oule diskit lo sa size, ni Legliz Bondye ni nou menm, nou napa sa labitid.

1 Korentyen 11:18

Premyerman, mon'n tande ki dan zot lasanble, i annan divizyon parmi zot, e mon krwar an parti.

1 Korentyen 3:18

Fodre pa ki personn i anbet son lekor: Si enn parmi zot i krwar ki i malen dapre sa lemonn, fodre ki i vin fou pour li ganny lasazes,

1 Korentyen 3:3

akoz zot ankor annan natir imen. Annefe, si i ankor annan zalouzi ek kerel parmi zot, sa pa i montre ki zot ankor annan natir imen? Zot pe konport zot dan fason imen.

2 Korentyen 11:20

Annefe, zot aksepte ganny trete koman lesklav, ganny eksplwate, vole, meprize, oubyen ganny zifle.

Galat 5:15

Me si zot morde e devor kanmarad, fer byen atansyon: Zot pou fini par detri kanmarad.

Galat 5:26

Annou pa orgeye, annou pa pran lakoler avek kanmarad, e annou pa zalou kanmarad.

Galat 6:3

Si en dimoun i krwar ki i enportan, alor ki i en nanryen ditou, i pe anbet son prop lekor.

Filipyen 1:15

Serten pe anons Kris par zalouzi e avek en lespri kontrovers kont mwan. Me i annan ki pres avek en bon lentansyon.

Filipyen 2:14

Fer tou keksoz san okenn konplent, ni diskisyon.

Filipyen 2:3

Pa fer nanryen dan en lespri konpetisyon ni par lorgey. O kontrer avek limilite, konsider lezot pli enportan ki ou.

Kolosyen 2:18

Pa les zot ganny kondannen par dimoun ki pran plezir dan bann fo pratik limilite, ek ladorasyon bann lanz e ki fer vantar dan fo vizyon. Par zot mannyer panse ki tro imen, sa bann dimoun i ranpli avek lorgey san okenn rezon.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

1 Timote 1:4

Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 1:7

Zot in pretann ki zot profeser Lalwa Bondye; me zot pa konpran sa ki zot pe dir, ni sa ki zot pe ansennyen avek en tel konviksyon.

1 Timote 3:6

Fodre pa ki i en nouvo konverti, akoz i riske gonfle avek lorgey e ganny kondannen parey dyab.

2 Timote 2:14

Ou devre rapel zot tousala. Averti zot devan Bondye ki zot devre evite diskit lo bann mo: Sa bann diskisyon pa servi dan nanryen, me zis pour detri sa enn ki ekoute.

2 Timote 2:23

Pa partisip dan bann diskisyon ensanse e bet. Parey ou konnen, zot provok lager.

2 Timote 3:4

Zot pou tret, annan karakter vif, gonfle avek lorgey, kontan plezir plis ki Bondye.

Let Pol pour bann Tit 3:9

Me evite fer bann diskisyon bet, bann long lalis bann zanset, kerel ek lager konsernan Lalwa. Tousala i initil e san valer.

Let Zak 1:19

Mon bann frer byenneme! Konpran sa byen: Zot devre pare pour ekoute; me pran letan avan koze, avan pran lakoler,

2 Pyer 2:12

Me sa bann zans, zot azir avek zot lensten, parey bann zannimo sovaz ki'n ne zis pour ganny atrape e touye. Zot ensilte dimoun ki zot pa ni menm konnen. Zot pou ganny detri parey sa bann zannimo sovaz.

2 Pyer 2:18

Zot pronons bann gran diskour vid e bet. Zot servi dezir imoral zot prop natir, pour met dan zot pyez, bann ki apenn fek sape parmi bann ki viv dan lerer.

Let Zid 1:10

Me sa bann zonm pe ensilte sa ki zot pa konnen. Zot konn zis par zot lensten, parey zannimo sovaz. Sa pe fer zot maler.

Let Zid 1:16

Sa bann zonm ki touzour mekontan, pe touzour plennyen. Zot pe viv dapre zot bann move dezir. Zot koz avek ensolans, e zot flat dimoun dan zot prop lentere.

Revelasyon 3:17

Ou dir: Mon ris, mon'n anrisi, e mon pa bezwen nanryen. Me ou pa konnen konbyen ou malere, mizerab, pov, aveg e touni.