1 Timote 6:18 - Labib An Kreol Seselwa

¹⁸ Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

1 Timote 6:18 ပူးပေါင်းရင်းမြစ်များ

2 Kronik 24:16

I ti ganny antere dan tonbo rwayal, dan lavil David, akoz i ti'n fer bokou dibyen pour Izrael ek tanp SENYER.

Psonm 112:9

Zot in donn avek bonker; zot in donn bann pov. Zot lazistis i reste pour touzour Zot lafors i ogmante avek loner.

Psonm 37:3

Met ou konfyans dan SENYER e fer sa ki byen. Alor, ou ava viv anpe e an sekirite dan sa pei.

Eklezyas 11:6

Alor, byen granmaten senm ou legren e menm aswar, pa arete. Ou pa konnen lekel ant zot ki pou reisi, oubyen lekel ki bon.

Eklezyas 3:12

Alor, mon realize: I pli bon pour zonm rezouir e profit lavi dan kontantman.

Ezai 32:8

Me dimoun onnet i annan lentansyon nob; son aksyon i drwat.

Ezai 58:7

Se kan ou partaz ou dipen avek sa enn ki lafen, abrit kot ou sa enn ki napa lakaz, kouver sa enn ki napa lenz pour met lo li, pa tourn ledo avek ou prop frer ki dan bezwen.

Matye 5:42

Si en dimoun i demann ou keksoz, pa refiz li. Pa refiz en dimoun ki demann ou pret li en keksoz.

Levanzil dapre Lik 12:21

Zezi ti azoute, “Sanmenm sa ki arive avek sa enn ki anmas larises pour li menm, me ki pa ris devan Bondye.”

Levanzil dapre Lik 3:11

Zan ti reponn, “Sa enn ki annan de semiz, donn enn son kanmarad ki napa; sa ki annan dekwa manze, li osi i devre partaze.”

Akt de Zapot 10:38

Zot konnen koman Bondye ti konsakre Zezi ki sorti Nazaret avek pouvwar son Lespri Sen. Zot osi konnen koman Zezi, partou kot i ti ale, ti fer dibyen e geri tou bann dimoun ki ti anba pouvwar dyab, akoz Bondye ti avek li.

Akt de Zapot 11:29

Alor, bann disip ti deside dapre zot mwayen, anvoy en kontribisyon pour bann frer ki ti reste dan Zide.

Akt de Zapot 9:36

Dan lavil Zope, ti annan parmi bann disip, en fanm ki ti apel Tabita. Son non ti Dorkas an Grek, savedir gazel. I ti touzour okipe pe fer dibyen e pe ed bann pov.

Romen 12:13

Ed zot bann frer ki dan bezwen e pratik lospitalite.

Romen 12:8

Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

1 Korentyen 16:2

Premye zour sak semenn, sakenn ava met dekote se li, larzan ki i'n reisi eparnyen. Konmsa, zot pa pou bezwen esper mwan arive pour anmas bann kontribisyon.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Galat 6:10

Alor, pandan ki nou annan lokazyon, annou fer dibyen tou dimoun, sirtou nou bann frer ek ser dan lafwa.

Efezyen 4:28

Sa enn ki abitye vole, fodre i aret vole e travay pour ganny son lavi onnetman, e ganny dekwa pour ed bann pov.

1 Timote 5:10

Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Ebre 13:16

Me pa manke fer dibyen e ed kanmarad, akoz se bann sakrifis parey ki fer plezir Bondye.

Let Zak 2:5

Mon bann frer byenneme! Ekoute: Bondye in swazir dimoun ki pov dan lemonn, pour fer zot ris dan lafwa, e vin bann zeritye Rwayonm ki i'n promet bann ki kontan li.

1 Pyer 3:11

I devre aret fer sa ki mal, e pratik sa ki byen. I devre rod lape e fer lape.

1 Zan 3:17

Si en dimoun ki annan plis ki ase dekwa viv, i war son frer dan bezwen me i ferm son leker, ki mannyer i kapab dir ki i kontan Bondye?

3 Zan 1:11

Mon zanmi! Pa imit sa ki mal, me imit plito sa ki byen. Sa enn ki pratik sa ki byen, i pour Bondye. Sa enn ki fer sa ki mal, pa konn Bondye.