1 Timote 6:12 - Labib An Kreol Seselwa

¹² Konbat sa bon konba pour lafwa. Sezi lavi eternel pour lekel Bondye in apel ou kan ou ti fer sa zoli deklarasyon lo ou lafwa, dan prezans en kantite temwen.

1 Timote 6:12 ပူးပေါင်းရင်းမြစ်များ

Psonm 63:8

Mon atase avek ou; ou lanmen pwisan i soutenir mwan.

Proverb 3:18

Pour sa enn ki sezi li, lasazes i en pye dibwa ki donn lavi; sa enn ki gard li byen, i ganny deklare byennere.

Kantik Salomon 3:4

Mon ti'n fek depas zot, ler mon ti trouv sa enn ki mon leker i kontan. Mon ti sezi li e mon pa pou les li ale, ziska ki mon'n anmenn li dan lakaz mon manman, dan lasanm sa enn ki'n donn mwan nesans.

Ezai 44:5

Enn pou dir: Mwan mon pour SENYER. En lot pou dir: Mon en desandan Zakob. En lot ankor pou ekri lo son lanmen: Propriyete SENYER; i pou port non Izrael.

Zakari 10:5

Ansanm, zot pou parey bann konbatan dan lager. Lo semen, zot pou kraz lennmi dan labou; zot pou konbat, akoz SENYER pou avek zot e zot pou imilye bann kavalye.

2 Korentyen 6:7

par nou parol laverite, par pwisans Bondye. Nou zarm latak ek defans, se fer sa ki zis devan Bondye.

2 Korentyen 9:13

Bokou dimoun ki pou apresye valer sa don, pou rann glwar Bondye pour zot lobeisans ki temwanny zot fidelite anver Bonn Nouvel Kris. Sa don ava osi rann glwar Bondye pour zot zenerozite dan partaz sa ki zot annan avek sa bann frer e avek tou lezot ankor.

Deterononm 26:3

Ou ava al kot sa pret ki an servis. Ou ava dir li: Ozordi, mon deklare devan SENYER, ou Bondye, ki mon'n ariv dan sa pei ki SENYER ti fer serman avek nou zanset pour donn nou.

Filipyen 1:30

Aprezan, zot pe pran par dan sa menm konba ki otrefwa zot ti war mwan ladan. Parey zot konnen, i menm konba ki mon pe kontinyen.

Kolosyen 3:15

Mon swete ki lape Kris i diriz zot leker. Annefe, se ver sa lape ki Kris in apel zot kan i ti fer zot vin en sel lekor. Montre zot touzour rekonesan.

1 Tesalonisyen 2:12

Nou'n ankouraz zot, konsey zot e ensiste pour ki zot anmenn en lavi ki fer plezir Bondye. Annefe, li menm ki'n apel zot pour antre dan son Rwayonm e partisip dan son laglwar.

2 Tesalonisyen 2:14

Se pour sa osi ki Bondye in apel zot par Bonn Nouvel ki nou'n anonse, pour ki zot annan par dan laglwar nou Senyer Zezi-Kri.

1 Timote 1:18

Timote, mon garson! Mon konfye ou sa lansennyman, ki annakor avek parol bann profet. Fer ki sa bann parol, i ou lafors dan sa bon konba ki ou'n livre

1 Timote 1:19

avek lafwa ek en konsyans trankil. Serten pa'n ekout zot konsyans; zot in arive ziska perdi lafwa.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

1 Timote 6:19

Alor, zot ava anmas en bon trezor solid pour lavenir, ki ava fer zot ganny vre lavi.

2 Timote 1:9

Li menm ki'n sov nou e ki'n apel nou pour vin son pep, pa akoz nou bann bon aksyon, me akoz son prop plan ek son lagras. Depi touzour, i'n akord nou sa lagras par Zezi-Kri.

2 Timote 2:2

Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

2 Timote 4:7

Mon'n konbat en bon konba, mon'n fini sa lakours, mon'n gard lafwa.

Ebre 13:23

Mon fer zot konnen ki nou frer Timote in ganny large. Si i ariv ase vit, mon ava vin war zot avek li.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

1 Pyer 3:9

Pa rann lemal pour lemal, ni lensilt pour lensilt. Okontrer, reponn par loue Senyer, akoz pour sanmenm sa, ki Bondye in apel zot, pour resevwar son benediksyon.

1 Pyer 5:10

Zot pou bezwen soufer pour ankor en pti pe letan. Me Bondye ki sours tou lagras, ki'n apel zot pour partisip dan son laglwar eternel ini avek Kris, i ava li menm rann zot parfe. I ava rann zot ferm; i ava fortifye zot, e etabli zot lo bann fondasyon solid.

1 Zan 2:25

Promes ki i'n fer nou, se lavi eternel.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.

Revelasyon 3:3

Pa oubliye ki mannyer ou'n resevwar e antann Laparol. Obei li e sanz ou lavi. Si ou pa sanze, mon pou vin koman en voler e ou pa pou konnen ki ler mon pou vin sirprann ou.

Ziz 3:2

sa ti zis pou ki bann zenerasyon Izraelit i konnen e aprann kisisa lager, omwen pour sa bann ki pa ti'n ankor fer sa leksperyans: