1 Timote 5:6 - Labib An Kreol Seselwa

⁶ Me en vev ki viv dan plezir in deza mor malgre ki i vivan.

1 Timote 5:6 ပူးပေါင်းရင်းမြစ်များ

Zenez 2:17

me fodre pa ki ou manz fri sa pye ki donn konnesans lebyen ek lemal, akoz zour ki ou manz sa fri, ou pou mor.

Proverb 29:21

En serviter ki'n ganny gate depi son lanfans, pou vin arogan plitar.

Ezai 22:13

Me zot in viv dan lazwa ek plezir: Zot ti touy bef, egorz mouton, manz lavyann e bwar diven. Zot dir: Annou manze, annou bwar akoz demen nou pou mor.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Zeremi 6:2

Siyon! Ou zoli e byen delika! Me mon pe al detri ou.

Lamantasyon 4:5

Bann ki ti abitye manz bon manze pe mor lafen dan semen. Bann ki ti grandi dan lopilans pe fouy dan salte pour ganny en morso manze.

Matye 8:22

Me Zezi ti dir li, “Swiv mwan, e les bann mor anter zot bann mor.”

Levanzil dapre Lik 12:19

Apre, mon ava dir dan mwan menm: Rekolt ki ou'n anmase i ase pour plizyer lannen. Alor, repoz ou, manze, bwar e anmize!

Levanzil dapre Lik 15:13

Detrwa zour apre, sa zenn garson ti vann tou sa ki i ti'n gannyen e antreprann en vwayaz pour en pei byen lwen. Laba, i ti goberz tou son larzan dan en lavi dezordonnen.

Levanzil dapre Lik 15:24

Mon garson ki ti'n mor, i vivan; i ti'n perdi, mon'n retrouv li. E lafet ti konmanse.

Levanzil dapre Lik 15:32

I tou zis ki nou fete e kontan, akoz ou frer ki ti'n mor i'n reganny lavi, i ti'n perdi e i'n ganny retrouve.”

Levanzil dapre Lik 16:19

“En fwa, ti annan en zonm ris ki ti touzour abiy dan bann zoli lenz ser, fer avek pli zoli latwal linenn fen. I ti pe fer lafet tou le zour.

Levanzil dapre Lik 7:25

Alor, ki zot ti al war? En zonm abiye dan zoli lenz? Me dimoun ki abiye dan zoli lenz e ki viv dan liks, zot reste dan bann pale.

Efezyen 2:1

Otrefwa, zot ti'n spirityelman mor akoz zot bann fot, e akoz zot bann pese.

Efezyen 2:5

alor ki nou ti'n mor spirityelman akoz nou fot, Bondye ti fer nou reviv avek Kris. Par son lagras ki zot in ganny sove.

Efezyen 5:14

Annefe, tou sa ki'n ganny klerman revele i vin lalimyer. Pour sa rezon nou dir: Ou ki pe dormi! Reveye! Leve parmi bann mor! Kris ava ekler ou.

Deterononm 28:54

Menm sa zonm ki pli delika e sansib parmi zot, pou mefye son prop frer, son fanm ki i'n ser dan son lebra, menm son bann zanfan ki reste.

Deterononm 28:56

Sa fanm pli delika e pli elegan parmi zot ki ti telman delika, ki pa ti oze poz son lipye ater, pou fer parey: I pou mefye son mari avek ki i dormi, son garson, son fiy ki i'n met omonn; i ava menm manz

Kolosyen 2:13

Otrefwa, zot ti spirityelman mor akoz zot pese, e par zot ensirkonsizyon. Me aprezan, Bondye in redonn nou lavi avek Kris. I'n pardonn nou tou nou pese.

2 Timote 3:6

Serten parmi zot i antre dan bann lakaz e soumet anba zot lenfliyans, bann fanm feb ki sarze avek pese, ki les zot ganny antrennen par toudsort kalite pasyon.

Let Zak 5:5

Zot in viv lo later dan liks e dan plezir. Zot in vin gra parey zannimo pour sa zour labatwar.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.

Revelasyon 3:1

Ekri Lanz Legliz dan Sard: La sa ki sa enn ki posed sa set Lespri Bondye ek sa set zetwal i deklare: Mon konn ou bann aktivite: Zot dir ou vivan, me ou'n mor.

1 Samyel 15:32

Apre, Samyel ti dir, “Anmenn Agag, lerwa bann Amalesit isi.” Agag ti avans devan li avek lafyerte. I ti dir dan li menm: Sirman, douler lanmor in fini pase.

1 Samyel 25:6

Dir li: Lape i avek ou ek ou fanmir ek tou sa ki ou posede.