1 Timote 5:5 - Labib An Kreol Seselwa

⁵ En fanm ki vreman viv koman en vev, ki'n reste tousel, i'n met son lespwar dan Bondye. I pa arete priy Bondye, lizour koman aswar, pour demann li son led.

1 Timote 5:5 ပူးပေါင်းရင်းမြစ်များ

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 54:1

Sante, fanm steril! Ou ki pa'n zanmen ganny zanfan, Kriye e fer tande sanson lazwa! Ou ki pa'n konn douler lakousman. Sa fanm abandonnen pou annan plis zanfan, ki fanm marye. La sa ki SENYER i deklare:

Lamantasyon 1:13

Depi lao dan lesyel, in anvoy dife ki'n penetre mon lezo. I'n met en latrap anba mon lipye e i'n fer mwan savire. I'n abandonn mwan; mon douler pa zanmen fini.

Levanzil dapre Lik 18:1

Zezi ti rakont zot en parabol pour montre ki fodre touzour priye e pa perdi kouraz.

Levanzil dapre Lik 18:7

Eski Bondye pa pou rann lazistis bann ki i'n swazir e ki priy li lizour koman aswar? Eski i pou fer zot espere?

Levanzil dapre Lik 2:37

I ti'n reste vev. Aze 84 an, i pa ti kit Tanp. I ti kontinyen servi Bondye, lizour koman aswar; i ti zennen e priye.

Akt de Zapot 26:7

Tou le 12 tribi nou pep, pe osi esper sa realizasyon, an servan Bondye, lizour koman aswar. Ozordi, lerwa Agripa, se akoz sa lesperans ki mon ganny akize par bann Zwif.

Akt de Zapot 6:1

Pandan sa bann letan, koman lakantite disip ti'n ogmante, ti annan konplent ant bann Zwif ki koz Grek ek bann Zwif ki koz Ebre. Bann Zwif ki koz Grek ti plennyen an dizan ki zot bann vev ti pe ganny neglize dan distribisyon manze.

Akt de Zapot 9:39

Osito, Pyer ti al avek zot. Kan i ti arive, zot ti anmenn li dan sa lasanm ki ti dan letaz. Tou bann vev ti apros li, an pleran. Zot ti montre li tou bann semiz ek lezot lenz ki Dorkas ti fer, kan i ti ankor vivan.

Akt de Zapot 9:41

Pyer ti atrap son lanmen e ed li pour leve. Apre, Pyer ti apel bann krwayan ek bann vev e prezant zot Dorkas vivan.

Romen 1:12

Anplis, mon ti ava kontan prezan parmi zot, pour nou ankouraz kanmarad: Mwan par zot lafwa e zot par mon lafwa.

Romen 1:5

Par li, nou'n resevwar lagras ek misyon koman zapot pour anmenn bann nasyon krwar dan li e obeir li.

1 Korentyen 7:32

Mon oule ki zot san traka. En zonm ki pa marye, i preokip li avek travay Senyer, akoz i oule fer plezir Senyer.

1 Korentyen 7:34

Son lentere i ganny partaze. Pareyman en fanm san mari oubyen en zenn fiy, i preokip li avek zafer Senyer, pour konsakre son lekor ek son lespri. Me en fanm marye i preokip li avek bann zafer lemonn; i rod fer plezir son mari.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Filipyen 4:6

Pa bezwen enkyet pour nanryen, me dan tou sirkonstans, dan lapriyer ek siplikasyon, avek en leker rekonesan, demann Bondye tou sa ki zot bezwen.

1 Timote 2:1

Premyerman, mon rekomande ki zot adres Bondye bann demann, lapriyer, siplikasyon ek remersiman an faver tou et imen:

1 Timote 5:16

Si en krwayan i annan detrwa vev dan son fanmir pros, i devre donn zot led ki zot bezwen, san ki Legliz i bezwen pran sa responsabilite. Konmsa, Legliz ava kapab port swen bann vre vev.

1 Timote 5:3

Okip avek respe bann vev ki vreman viv koman vev.

2 Timote 1:3

Mon remersye Bondye ki mon servi avek en konsyans pir, parey mon bann zanset ti fer. Mon remersye li sak fwa ki mon mazin ou dan mon lapriyer, aswar koman lizour.

1 Pyer 3:5

Konmsa menm ki bann fanm ki servi Bondye ti fer otrefwa. Zot ti met zot lespwar dan Bondye e soumet zot avek zot mari.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”