1 Timote 5:21 - Labib An Kreol Seselwa

²¹ Nou demann ou solannelman devan Bondye, devan Zezi-Kri e devan tou bann lanz Bondye: Swiv sa bann regleman san okenn prezize e san fer preferans pour personn.

1 Timote 5:21 ပူးပေါင်းရင်းမြစ်များ

Psonm 107:43

Bann ki saz! Pran kont lo tousala e konpran ki SENYER i fidel.

Psonm 119:34

Donn mwan disernman, pour mwan konpran ou lalwa e met li an pratik avek tou mon leker.

Proverb 18:5

I pa byen donn rezon sa enn ki koupab; oubyen refiz enn ki zis, son drwa

Levitik 14:42

Apre, zot ava ranplas bann ros ki'n ganny tire, par lezot ros e pran en lot mortye pour rekrepi lakaz.

Levitik 19:15

Pa rann okenn zizman enzis; pa fer preferans pour sa enn ki pov, ni favoriz sa enn ki pwisan. Ou ava ziz ou prosen avek lazistis.

Malasi 2:9

Alor, mon pou imilye zot e fer lepep mepriz zot, akoz mon volonte pa'n ganny swiv e zot bann desizyon pa ti touzour zis.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Levanzil dapre Lik 20:21

Zot ti kestyonn li, “Met! Nou konnen ki sa ki ou dir e ansennyen i vre; ki ou pa fer lapreferans pour personn, me ou ansenny vre semen Bondye.

Levanzil dapre Lik 9:26

Annefe, sa enn ki onte akoz mwan ek mon parol, Fis-de-Lonm osi pou onte kont li, kan i pou vini dan son mazeste e dan laglwar son Papa ek son bann lanz sen.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.

Deterononm 1:7

Repran zot semen e antre dan montanny kot bann Amorit e kot zot bann vwazen Kananeen, dan rezyon montanny Sepela, Negev ek rezyon lakot, dan pei bann Kananeen ek Liban, ziska gran larivyer Efrat.

Deterononm 33:9

Lo size son papa ek son manman, Moiz ti dir: Mon pa konn zot. I ti inyor son bann frer; i pa ni rekonnet son bann zanfan. Zot ti obzerv ou parol, zot ti gard ou lalyans.

1 Tesalonisyen 5:27

Mon sipliy zot lo non Senyer: Lir sa let avek tou bann krwayan.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

2 Timote 2:14

Ou devre rapel zot tousala. Averti zot devan Bondye ki zot devre evite diskit lo bann mo: Sa bann diskisyon pa servi dan nanryen, me zis pour detri sa enn ki ekoute.

2 Timote 4:1

Mon demann ou solannelman devan Bondye e devan Zezi-Kri ki pou ziz bann vivan ek bann mor; mon demann ou lo non retour Zezi-Kri e lo non son Renny:

Let Zak 3:17

Me lasazes ki sorti dan lesyel i premyerman pir. I kontan lape, i modere, pare pour met dakor. I ranpli avek pitye ek bon aksyon, san preferans e san lipokrizi.

2 Pyer 2:4

Annefe, Bondye pa ti eparny bann lanz ki ti koupab. I ti zet zot dan labim fernwanr kot zot in ganny ansennen pour zour zizman.

Let Zid 1:6

Mon rapel zot koman serten lanz ki pa ti satisfe avek pouvwar ki zot ti annan, ti abandonn zot prop demer. Alor, Bondye i'n gard zot ansennen pour touzour dan fernwanr, dan fon labim, pour sa gran zour zizman.

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.