1 Timote 5:19 - Labib An Kreol Seselwa

¹⁹ Pa aksepte okenn lakizasyon kont en ansyen, amwen ki i annan de, oubyen trwa temwen.

1 Timote 5:19 ပူးပေါင်းရင်းမြစ်များ

Matye 18:16

Me si i refize ekout ou, anmenn enn, oubyen de dimoun avek ou, pour ki sa zafer i ganny regle lo parol de oubyen trwa temwen.

Levanzil dapre Zan 18:29

Alor, Pilat ti vin kot zot deor. I ti demann zot, “Ki lakizasyon zot annan kont sa zonm?”

Levanzil dapre Zan 8:17

Dan zot Lalwa i'n ekri ki depozisyon de temwen i valab.

Akt de Zapot 11:30

Zot ti anvoy zot don kot bann ansyen dan Zide par lentermedyer Barnabas ek Sol.

Akt de Zapot 25:16

Mon ti reponn zot ki i pa koutim bann Romen pour livre en dimoun pour ganny pini, avan ki i ganny lokazyon defann son lekor kont sa bann ki pe akiz li.

2 Korentyen 13:1

Sa i fer trwazyenm fwa ki mon pe vin kot zot. Parey in ekri: Tou zafer devre ganny deside lo parol de oubyen trwa temwen.

Deterononm 17:6

Kondannasyon anmor ava ganny egzekite lo temwannyaz de oubyen trwa temwen. Personn pa kapab ganny touye lo deklarasyon en sel temwen.

Deterononm 19:15

En sel temwen pa ase pour kondann en dimoun pour en krim, oubyen okenn lofans ki'n kapab ganny komet. Pour etabli en fe, fodre annan de, oubyen trwa temwen.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 5:17

Bann ansyen ki diriz byen Legliz, zot merit resevwar en doub lapey, sirtou bann ki annan responsabilite pour prese e ansennyen.

Let Pol pour bann Tit 1:6

En ansyen i devret en zonm san repros, mari en sel fanm. Fodre ki son bann zanfan i krwayan, avek en bon repitasyon e ki zot obeisan.

Ebre 10:28

Kan en dimoun i dezobei Lalwa Moiz, i ganny touye san pitye, apre ki i'n ganny trouve koupab lo levidans de, oubyen trwa temwen.