1 Timote 5:17 - Labib An Kreol Seselwa

¹⁷ Bann ansyen ki diriz byen Legliz, zot merit resevwar en doub lapey, sirtou bann ki annan responsabilite pour prese e ansennyen.

1 Timote 5:17 ပူးပေါင်းရင်းမြစ်များ

2 Rwa 2:9

Ler zot ti'n fini traverse, Eli ti dir Elize, “Demann sa ki oule mon fer pour ou, avan ki mon ganny separe avek ou.” Elize ti dir, “Mon sipliy ou, fer mwan resevwar en doub porsyon ou lespri.”

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zakari 9:12

Prizonnyen ki annan ankor lespwar! Retourn dan ou fortifikasyon. Ozordi mon deklare: Mon pou double ou rekonpans.

Nonm 18:31

Zot kapab manz li dan nenport landrwa avek zot fanmir, akoz i zot saler an retour pour zot servis dan Latant Rankont SENYER.

Matye 24:25

La mon'n anons zot tousala davans.

Levanzil dapre Lik 10:7

Reste dan sa lakaz; manze e bwar tou sa ki zot ofer ou, akoz en zouvriye i merit son lapey. Pa pas kazankaz.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

Levanzil dapre Zan 4:38

Mon'n anvoy zot rekolte dan en landrwa kot zot pa'n travay. Lezot dimoun ki'n travay, e zot, zot pe profit lo travay sa bann dimoun.”

Akt de Zapot 11:30

Zot ti anvoy zot don kot bann ansyen dan Zide par lentermedyer Barnabas ek Sol.

Akt de Zapot 20:35

Dan tou sirkonstans, mon'n montre zot ki fodre travay pour kapab ed bann ki pli pov e rapel zot parol Senyer Zezi li menm: I annan plis lazwa pour donnen ki pour resevwar.”

Akt de Zapot 28:10

Zot ti fer nou gran loner e kan nou bato ti kite, zot ti fourni nou avek tou provizyon ki nou ti bezwen.

Romen 12:8

Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.

Romen 15:27

Zot in deside fer sa par zot menm. Me an realite, se en det ki zot pe pey zot bann frer Zerizalenm. Annefe, bann non-Zwif in partisip dan benefis spirityel bann ki'n konverti. Aprezan, i zot devwar pour rann servis lo kote materyel.

Romen 16:12

Fer salanm Trifenn ek Trifoz ki pe travay pour Senyer, ek mon bon zanmi Persid ki'n travay pour li.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

1 Korentyen 16:16

Alor, obei bann tel dimoun; obei tou bann ki kolabor dan sa travay.

1 Korentyen 3:9

Annefe, nou, nou bann kolaborater Bondye. Zot, zot son plantasyon. Zot osi son konstriksyon.

2 Korentyen 6:1

Akoz nou bann kolaborater Bondye, nou sipliy zot pour pa negliz sa lagras ki zot in resevwar avek li.

Galat 6:6

Sa enn ki resevwar lansennyman Laparol, i devre partaz sa ki i annan avek sa enn ki ansenny li.

Deterononm 18:8

I ava resevwar menm par manze ki lezot levit e profit lo reveni lavant son propriyete.

Filipyen 2:16

akoz zot port parol lavi. Sa i ava rann mwan fyer zour Kris ava retournen, akoz mon pa ava'n travay pour nanryen.

Filipyen 2:29

Alor, akey li avek en gran lazwa, parey en frer dan Senyer. Zot devre annan bokou respe pour bann zonm parey li.

Filipyen 4:3

E ou osi, mon fidel koleg travay, mon demann ou, ed sa bann fanm. Ansanm avek Kleman ek lezot koleg travay ki zot non in ekri dan liv lavi, zot in konbat avek mwan pour anons Bonn Nouvel.

1 Timote 3:5

Annefe, si en dimoun pa konn diriz son prop lakour, ki mannyer i pou kapab pran swen Legliz Bondye?

1 Timote 4:10

Annefe, nou travay, e nou lite akoz nou'n plas nou lespwar dan en Bondye ki vivan, Sover pour tou dimoun, sirtou pour bann krwayan.

1 Timote 4:14

Pa negliz sa don spirityel ki dan ou, ki ou'n gannyen par mesaz bann profet, kan bann ansyen ti enpoz lanmen lo ou.

1 Timote 4:16

Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.

1 Timote 5:19

Pa aksepte okenn lakizasyon kont en ansyen, amwen ki i annan de, oubyen trwa temwen.

1 Timote 5:3

Okip avek respe bann vev ki vreman viv koman vev.

2 Timote 2:6

En kiltivater ki travay dir, devret premye pour rekolte fri son travay.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Ebre 13:17

Obei zot bann dirizan e swiv zot lord. Annefe sa bann dimoun pe kontinyelman vey lo zot, akoz zot pou bezwen rann kont lo zot size. Les zot fer zot travay dan lazwa, olye dan lapenn. Sa pa pou anmenn okenn lavantaz pour zot.

Ebre 13:24

Fer konpliman tou zot bann dirizan ek tou bann krwayan. Bann frer ki sorti Itali i fer zot salanm.

Ebre 13:7

Rapel bann ansyen ki'n anons zot Parol Bondye. Mazinen ki mannyer zot in viv; imit zot lafwa.