1 Timote 5:13 - Labib An Kreol Seselwa

¹³ An plis ki sa, akoz zot nanryen fer, zot pran labitid pas zot letan sorti dan en lakaz pour al dan en lot. Pir ki sa: Zot koz bonnavini, zot fournen, e koz lo sa ki pa konsern zot.

1 Timote 5:13 ပူးပေါင်းရင်းမြစ်များ

Proverb 11:13

Sa enn ki rakont mansonz i osi devwal sekre; en konfidan i konn gard en sekre.

Proverb 20:19

Sa enn ki fer kalonmni i devwal bann sekre; alor, pa frekant dimoun ki koz bokou.

Proverb 31:27

I sirvey tou sa ki pas dan son lakaz, i pa manz dipen lapares.

Proverb 7:11

I ti ardyese e san pider; i ti touzour dan semen;

Levitik 19:16

Pa senm kalonmni kont ou prosen, ni fer en lakizasyon ki fer disan ou prosen koule. Mwan menm SENYER.

Levanzil dapre Lik 10:7

Reste dan sa lakaz; manze e bwar tou sa ki zot ofer ou, akoz en zouvriye i merit son lapey. Pa pas kazankaz.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Akt de Zapot 20:30

Menm parmi zot, pou annan dimoun ki pou leve pour ansenny bann mansonz pour antrenn bann krwayan avek zot.

1 Timote 5:12

Zot ava alor koupab pour kas zot premye langazman avek Kris.

Let Pol pour bann Tit 1:11

Fodre ferm zot labous, akoz zot boulvers en kantite fanmir par bann keksoz ki zot pa devre ansennyen. Zot fer sa pour ganny larzan dan en fason malonnet.

Let Zak 3:10

Benediksyon ek malediksyon i sorti dan menm labous. Mon bann frer! Sa pa devre arive.

1 Pyer 4:15

Ki personn parmi zot pa soufer koman en kriminel, oubyen en voler, en bandi, oubyen koman bann ki'n mel li dan zafer lezot.

3 Zan 1:10

Pour sa rezon, kan mon vini, mon pou denons tou sa ki i pe fer, bann parol mesanste ek mansonz ki i pe dir lo mwan. Konmsi sa pa ase, i refize resevwar bann krwayan. I anpes dimoun ki oule akey zot e i menase pous zot dan Legliz.