1 Timote 5:10 - Labib An Kreol Seselwa

¹⁰ Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

1 Timote 5:10 ပူးပေါင်းရင်းမြစ်များ

Zenez 18:4

Les mwan anmenn en pe delo pour zot lav zot lipye, e zot ava repoz en pe anba sa pye dibwa.

Zenez 19:2

I ti dir, “Mon bann senyer, mon sipliy zot, aksepte pour vin kot mwan, zot serviter. Zot ava lav zot lipye e pas lannwit. Apre, zot ava lev granmaten e kontiny zot semen.” Zot ti reponn, “Non, nou pou pas lannwit deor.”

Zenez 24:32

Alor, sa zonm ti antre dan lakaz e Laban ti desarz son bann samo e donn zot manze. I ti donn sa zonm ek bann dimoun ki ti avek li, delo pour lav zot lipye.

Zenez 43:24

I ti anmenn sa bann zonm dan lakaz Zozef. I ti donn zot delo e zot ti lav zot lipye. I ti osi donn manze zot bourik.

Psonm 119:4

Ou'n donn ou bann direktiv pour ki zot ganny met an pratik avek swen.

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Levitik 25:35

Si ou frer i tonm dan lanmizer e i pa kapab pey son det, ou ava siport li, menm si en etranze oubyen en viziter, pour ki i ava kapab viv kot ou.

Matye 25:17

Sa enn ki ti ganny de talan ti fer parey e i ti ganny ankor de lezot talan.

Matye 5:16

Konmsa ki zot lalimyer i devre klere devan tou dimoun, pour ki zot war byen zot bann bon aksyon e loue zot Papa ki dan lesyel.

Levanzil dapre Lik 7:38

I ti debout deryer Zezi, kot son lipye. I ti plere e avek son larm, i ti mouy lipye Zezi e i ti eswiy avek son seve. I ti anbras son lipye e vers lesans lo la.

Levanzil dapre Lik 7:44

Alor, i ti tourn ver sa fanm, e dir avek Simon, “Ou war, sa fanm? Mon'n antre kot ou, me ou pa'n donn mwan menm en pe delo pour mwan lav mon lipye. Me li, i'n lav mon lipye avek son larm e eswiy avek son seve.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Akt de Zapot 22:12

Ti annan la en zonm ki ti apel Ananyas. I ti en zonm byen relizye e i ti obei nou Lalwa. Tou bann Zwif ki ti reste Damas ti annan gran respe pour li.

Akt de Zapot 6:3

Alor, mon bann frer! Swazir set zonm parmi zot, ki annan bon repitasyon, ranpli avek Lespri Sen e bokou lasazes. Nou, nou ava donn zot sa responsabilite.

Akt de Zapot 9:36

Dan lavil Zope, ti annan parmi bann disip, en fanm ki ti apel Tabita. Son non ti Dorkas an Grek, savedir gazel. I ti touzour okipe pe fer dibyen e pe ed bann pov.

Akt de Zapot 9:39

Osito, Pyer ti al avek zot. Kan i ti arive, zot ti anmenn li dan sa lasanm ki ti dan letaz. Tou bann vev ti apros li, an pleran. Zot ti montre li tou bann semiz ek lezot lenz ki Dorkas ti fer, kan i ti ankor vivan.

Romen 12:13

Ed zot bann frer ki dan bezwen e pratik lospitalite.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

1 Timote 2:10

O kontrer, ki zot ganny admire pour zot bann bon aksyon, ki apropriye delapar bann fanm ki annan respe pour Bondye.

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

1 Timote 3:7

Anplis, i devret en zonm ki ganny byen respekte par bann non-kretyen. Konmsa, personn pa ava dir dimal lo li, e i pa ava tonm dan bann pyez dyab.

1 Timote 5:16

Si en krwayan i annan detrwa vev dan son fanmir pros, i devre donn zot led ki zot bezwen, san ki Legliz i bezwen pran sa responsabilite. Konmsa, Legliz ava kapab port swen bann vre vev.

1 Timote 5:25

Demenm, i fasil war bann bon aksyon. Menm sa bann ki pa aparet toudswit, pa kapab reste toultan kasyet.

1 Timote 6:18

Konsey zot pour fer sa ki byen; zot devre ris an bonn aksyon. Zot devre montre zot zenere e touzour pare pour partaz avek lezot.

2 Timote 1:5

Mon rapel ou lafwa senser, sa lafwa ki ou gran manman Lois ek ou manman Enis ti posede avan ou, e ki aprezan, mon sir, ou osi, ou posede.

2 Timote 2:21

Sa enn ki pirifye li kont sa bann move keksoz ava kapab ranpli bann latas spesyal: I devoue totalman anver son Met; i pare pour fer tou bann bon aksyon.

2 Timote 3:15

Annefe, depi ou lanfans, ou konn Lekritir sent, ki kapab donn ou lasazes ki kondwir ver lavi eternel, par lafwa dan Zezi-Kri.

2 Timote 3:17

Konmsa, dimoun ki servi Bondye ava byen prepare e byen ekipe pour fer tou bann bon aksyon.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Let Pol pour bann Tit 2:7

Ou menm, ou devre donn legzanp par bann bon aksyon. Ou devre senser, e serye dan ou lansennyman.

Let Pol pour bann Tit 3:1

Rapel zot tou, ki zot bezwen soumet zot avek bann dirizan ek bann lotorite e obei zot; ki zot devre touzour pare pour fer tou sa ki byen.

Let Pol pour bann Tit 3:14

Nou bann zans osi i bezwen aprann fer bann bon aksyon. Konmsa, zot ava kapab fer fas avek bann sityasyon irzan e pa viv en lavi initil.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Ebre 10:24

Annou rode koman nou pou kapab ankouraz kanmarad pour annan lanmour e fer sa ki byen.

Ebre 13:2

Pa oubliye pratik lospitalite. Annefe, serten san konnen, in resevwar lanz se zot.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.

1 Pyer 2:12

Kondwir zot byen parmi bann nasyon. Konmsa, menm si sa bann dimoun i dir dimal lo zot e tret zot koman bann malfeter, zot bann bon aksyon ava ganny rekonnet e zot ava rann glwar Bondye zour son zizman.

1 Pyer 4:9

Pratik lospitalite ant zot san gronnyen.

3 Zan 1:12

Tou dimoun i dir dibyen lo Demetriis. Laverite i temwanny dan son faver. Nou osi, nou rann en bon temwannyaz e ou konnen ki nou temwannyaz i vre.