1 Timote 4:7 - Labib An Kreol Seselwa

⁷ Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

1 Timote 4:7 ပူးပေါင်းရင်းမြစ်များ

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

1 Timote 1:4

Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 1:9

Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

1 Timote 2:10

O kontrer, ki zot ganny admire pour zot bann bon aksyon, ki apropriye delapar bann fanm ki annan respe pour Bondye.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

1 Timote 6:20

Mon ser Timote! Gard byen sa ki ou'n ganny konfye. Evit bann konversasyon vid e kontrer avek lafwa, ek bann fo largiman ki zot apel konnesans.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

1 Timote 6:5

e bann diskisyon ki pa zanmen fini ant dimoun ki lespri in fose e ki'n perdi tou nosyon laverite. Zot krwar ki lafwa dan Bondye i en mwayen pour vin ris.

2 Timote 2:16

Evit bann diskisyon vid ki kontrer avek lafwa. Sa i antrenn dimoun pli lwen avek Bondye.

2 Timote 2:23

Pa partisip dan bann diskisyon ensanse e bet. Parey ou konnen, zot provok lager.

2 Timote 3:12

Dayer, tou dimoun ki oule viv en lavi fidel ini avek Zezi-Kri pou ganny persekite.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

2 Timote 4:4

Zot pou nepli oule ekout laverite, me zot pou prefer bann fab.

Let Pol pour bann Tit 1:14

olye kontinyen ekout bann fab Zwif, ek komannman bann zonm ki'n abandonn laverite.

Let Pol pour bann Tit 2:12

Sa lagras i ansenny nou pour abandonn nou move lavi ek bann move dezir, pour viv en lavi rezonnab, zis e fidel lo sa later anver Bondye.

Let Pol pour bann Tit 3:9

Me evite fer bann diskisyon bet, bann long lalis bann zanset, kerel ek lager konsernan Lalwa. Tousala i initil e san valer.

Ebre 5:14

Me nouritir solid i pour bann adilt ki, avek leksperyans, zot konn disernen ant sa ki byen ek sa ki mal.