1 Timote 4:4 - Labib An Kreol Seselwa

⁴ Annefe, tou sa ki Bondye in kree i bon, nanryen pa devre ganny rezete, pourvi ki zot pran li avek rekonesans

1 Timote 4:4 ပူးပေါင်းရင်းမြစ်များ

Zenez 1:31

Bondye ti regard tou sa ki i ti'n fer; tou ti tre bon. Aswar ti fer, lizour ti arive. Sa ti sizyenm zour.

Akt de Zapot 10:15

Sa lavwa ti dir li ankor: Pa bezwen apel enpir, sa ki Bondye in deklar pir.

Akt de Zapot 15:29

Pa manz lavyann ki'n ganny sakrifye avek zidol, pa manz disan, pa manz zannimo toufe, e evit tou imoralite. I ava byen si zot evit fer tousala. Adye!

Akt de Zapot 21:25

Kanta bann krwayan non-Zwif, nou'n deza ekri pour dir zot sa ki nou'n deside, setadir ki zot pa devre manz okenn lavyann ki'n ganny ofer koman sakrifis avek zidol, ni disan, ni lavyann en zannimo ki'n mor toufe, e ki zot bezwen prezerv zot kont bann pratik imoral.”

Romen 14:14

Mon konnen e mon asire par Senyer Zezi, napa nanryen ki enpir. Me si en dimoun i konsider en keksoz enpir, alor, sa keksoz i enpir pour li.

Romen 14:20

Pa detri travay Bondye pour en zafer manze. An realite, tou keksoz i bon; me i mal si ou ofans ou frer par sa ki ou manze.

Romen 14:6

Sa enn ki donn lenportans tel zour, i fer li pour onor Senyer. Sa enn ki manz tou keksoz, i manze pour onor Senyer, e i remersye Bondye. Sa enn ki pa manze, se pour Senyer ki i pa manze; li osi, i remersye Bondye.

1 Korentyen 10:23

Zot dir: Nou kapab fer tou. Dakor, me pa tou ki itil. Tou i permet, me pa tou ki konstriktif.

1 Korentyen 10:25

Zot lib pour manz tou lavyann ki vann dan bazar san poz okenn kestyon pour zot konsyans.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

1 Korentyen 10:30

Si mon dir mersi Senyer pour sa ki mon manze, akoz mon bezwen ganny kritike pour sa nouritir ki mon'n remersye Bondye?

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

1 Timote 4:3

Sa bann dimoun pe ansennyen ki fodre pa marye, ni manz serten nouritir. Pourtan Bondye ki'n kree sa bann nouritir. Alor, bann krwayan ki konn laverite, zot kapab manze e dir mersi.