1 Timote 4:3 - Labib An Kreol Seselwa

³ Sa bann dimoun pe ansennyen ki fodre pa marye, ni manz serten nouritir. Pourtan Bondye ki'n kree sa bann nouritir. Alor, bann krwayan ki konn laverite, zot kapab manze e dir mersi.

1 Timote 4:3 ပူးပေါင်းရင်းမြစ်များ

Zenez 9:3

Mon pou donn zot koman nouritir tou sa ki bouze lo later ek tou sa ki vivan, parey mon ti'n donn zot bann plant; mon donn zot tousala pour manze.

Eklezyas 5:18

La sa ki mon'n war: I meyer pour en dimoun manze, bwar, profit plezir dan tou sa ki i fer anba soley, pandan tou son lavi ki Bondye in donn li; sa i son sor.

Danyel 11:37

I pou napa respe ni pour bann bondye son bann zanset, ni bondye prefere bann fanm. Sa lerwa pa pou montre okenn respe pour bondye, akoz i pou plas li par lao zot tou.

Matye 14:19

Answit, i ti ordonn lafoul pour asiz lo zerb. I ti pran sa senk dipen ek sa de pwason; i ti lev lizye ver lesyel e remersye Bondye. I ti kas sa bann dipen an morso e donn son bann disip ki ti partaz avek lafoul.

Matye 15:11

Pa sa ki antre dan labous en dimoun ki fer li enpir, me sa ki sorti dan son labous; sa, ki rann en dimoun enpir.”

Matye 15:36

I ti pran sa set dipen ek sa bann pwason; i ti remersye Bondye. I ti kas an morso e donn bann disip, ki ti partaz avek lafoul.

Levanzil dapre Lik 24:30

Letan Zezi ti pe manz avek zot, i ti pran dipen; i ti remersye Bondye, kas dipen e donn zot.

Levanzil dapre Zan 6:23

Sepandan, bann kannot sorti Tiberyad ti'n ariv pre avek landrwa kot lafoul ti'n manz dipen, apre ki Zezi ti'n remersye Bondye.

Akt de Zapot 27:35

Apre ki i ti'n dir sa, Pol ti pran dipen e remersye Bondye devan zot tou. I ti kase, e konmans manze.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Romen 14:3

Sa enn ki manze, pa devre mepriz sa enn ki pa manze, e sa enn ki pa manze pa devre kritik sa enn ki manze, akoz li osi, Bondye in aksepte li.

Romen 14:6

Sa enn ki donn lenportans tel zour, i fer li pour onor Senyer. Sa enn ki manz tou keksoz, i manze pour onor Senyer, e i remersye Bondye. Sa enn ki pa manze, se pour Senyer ki i pa manze; li osi, i remersye Bondye.

1 Korentyen 6:13

Zot dir: Manze i pour vant e vant i pour manze. Dakor! Me Bondye pou detri tou le de. Nou lekor pa'n fer pour bann pratik imoral, me pour Senyer, e Senyer i pour lekor.

1 Korentyen 7:28

Me si ou'n marye, i pa en pese; si en zenn fiy i marye, sa pa en pese. Me sa enn ki marye, i pou ganny problenm dan son lavi; mon oule eparny li sa traka.

1 Korentyen 8:8

Me pa manze ki fer nou vin pli pros avek Bondye: Si nou pa manze, nou pa pou perdi nanryen, e si nou manze nou pa pou pli avanse.

Kolosyen 2:16

Pa les personn pas zizman lo zot konsernan sa ki zot manze oubyen bwar, konsernan bann zour lafet, nouvellin oubyen bann saba.

Kolosyen 3:17

Dan tou sa ki zot fer e dir, fer tou dan non Senyer Zezi. Par li, remersye Bondye nou Papa.

1 Timote 2:4

I oule ki tou dimoun i ganny sove e ariv konn laverite.

1 Timote 4:4

Annefe, tou sa ki Bondye in kree i bon, nanryen pa devre ganny rezete, pourvi ki zot pran li avek rekonesans

1 Timote 5:14

Pour sa rezon, mon oule ki bann zenn vev zot remarye; ki zot ganny zanfan e pran swen zot lakaz. Konmsa, zot pa ava donn okenn lokazyon nou bann ladverser dir dimal lo nou.

Ebre 13:4

Maryaz i devre ganny onore par tou dimoun. Mari ek fanm i devre reste fidel anver kanmarad. Bondye pou ziz bann ki anmenn en lavi dezordonnen e adilter.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

1 Samyel 9:13

Koman zot antre dan lavil, zot pou war li avan i monte dan landrwa sakre pour al manze. Lepep pa pou manze avan i arive, akoz fodre i beni sakrifis; bann envite ava manz apre. Monte deswit e zot ava zwenn li.”