1 Timote 4:16 - Labib An Kreol Seselwa

¹⁶ Vey byen lo ou fason viv e fer atansyon ou lansennyman. Kontinyen persevere. Annefe, si ou azir konmsa, ou ava sov ou lekor ek tou bann ki ekout ou.

1 Timote 4:16 ပူးပေါင်းရင်းမြစ်များ

1 Kronik 28:10

Fer atansyon aprezan, akoz SENYER in swazir ou pour konstri en lakaz koman son sanktyer. Pa per pour azir.

2 Kronik 19:6

I ti dir zot, “Fer atansyon dan tou sa ki zot fer. Rann zizman ki zis, fer li non pa pour zonm, me pour SENYER. I ava avek zot ler zot rann zizman.

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Mark 13:9

Me zot, fer atansyon. Zot pou ganny arete e ganny trennen devan bann tribinal. Zot pou ganny bate dan bann sinagog. Akoz mon non, zot pou debout devan bann dirizan pei ek bann lerwa. Zot ava mon bann temwen devan zot.

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Akt de Zapot 26:22

Me Bondye in protez mwan ziska ozordi e mon ankor la pour temwanny devan tou dimoun, pti koman gran. Mon pe anons zis sa ki Moiz ek bann profet ti dir pou arive:

Akt de Zapot 6:4

Konmsa, nou ava kapab kontinyen konsakre tou nou letan dan lapriyer e lanons Laparol.”

Romen 11:14

Mon swete eksit zalouzi pep mon prop ras, e ensi arive sov detrwa parmi zot.

Romen 16:17

Mon demann zot, frer ek ser, fer atansyon avek sa bann ki senm divizyon ek dezord kontrerman avek lansennyman ki zot in gannyen. Evit bann tel dimoun.

Romen 2:7

Bann ki fer lebyen, pou ganny laglwar, loner ek limortalite.

1 Korentyen 1:21

Annefe, lemonn avek tou son lasazes pa'n kapab rekonnet Bondye, la kot Bondye in montre son lasazes. Pour sa rezon ki Bondye in deside pour sov bann ki krwar par sa mesaz lakrwa ki nou pe prese, menm si i paret en lafoli.

1 Korentyen 9:22

Parmi bann ki feb, mon viv konmsi mwan osi mon feb pour mwan ganny zot. Alor, mon fer mwan vin tou avek tou dimoun, pour mwan sov par tou mannyer posib, detrwa parmi zot.

1 Korentyen 9:27

Mon tret mon lekor severman, e mon gard li anba en kontrol strik, pour ki apre ki mon'n pres avek lezot, mwan menm mon pa ganny diskalifye.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Kolosyen 4:17

Dir Arsip, fer sir ki i fer byen sa travay ki i'n ganny konfye dan servis Senyer.

1 Tesalonisyen 2:16

Annefe, zot in esey anpes nou anons avek bann ki pa Zwif sa mesaz ki pou sov zot. Konmsa, zot in kontinyen ranpli zot avek pese e zot in menm depas limit. Ensi, lakoler Bondye in finalman tonm lo zot.

1 Timote 1:3

Parey mon ti dir ou kan mon ti pe al Masedwann, reste Efez kot serten dimoun pe ansenny fo doktrin. Fodre ou fer zot arete.

1 Timote 4:15

Pran byen aker sa responsabilite e met tou ou zefor ladan, pour ki tou dimoun ava war progre ki ou fer.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.

2 Timote 2:10

Pour sa rezon, mon siport tou pour sa bann ki Bondye in swazir. Konmsa zot osi, zot ganny sove dan Zezi-Kri e zot ganny laglwar eternel.

2 Timote 3:14

Me ou, reste ferm dan sa ki ou'n aprann, e dan sa ki ou'n vreman krwar: Ou konnen ou menm avek ki ou'n ganny sa lansennyman.

2 Timote 4:2

Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.

Let Pol pour bann Tit 1:9

I devre reste ferm dan sa mesaz sir, parey nou'n anonse. Konmsa, i ava kapab ansenny lezot dapre sa vre doktrin e montre zot lerer, bann ki pa dakor avek li.

Let Pol pour bann Tit 2:15

Konmsa ki ou devre ansennyen, par servi tou ou lotorite pour ankouraz oubyen repros bann ki ekout ou. Pa les personn mepriz ou.

Let Pol pour bann Tit 2:7

Ou menm, ou devre donn legzanp par bann bon aksyon. Ou devre senser, e serye dan ou lansennyman.

Filemon 1:19

Mwan Pol ki ekri sa avek mon prop lanmen: Mon pou ranbours ou. Mon pa bezwen rapel ou ki ou menm, ou dwa mwan ou prop lavi.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Let Zak 5:20

rapel sa byen: Sa enn ki ranmenn en peser lo bon semen e fer li abandonn son lerer, i pou sov en lavi dan lanmor. I pou ganny pardonnen bokou pese.