Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.
Sa enn ki annan don pour ankouraz lezot, i devre fer li. Sa enn ki partaz son byen avek lezot, i devre fer li avek zenerozite. Sa enn ki dirize, i devre fer li byen. Sa enn ki ed malere i devre fer li dan lazwa.
Alor mon bann frer ek ser! Ki fodre fer? Kan zot rasanble, si enn parmi zot i annan en kantik, en lot en lansennyman, en lot en revelasyon, en lot en mesaz dan en lalang enkoni, e en lot ankor lenterpretasyon sa mesaz, tousala i devre ed Legliz progrese.
Alor, mon bann frer ek ser! Si kan mon ava vin kot zot, mon koz dan en lalang enkoni, ki benefis zot pou gannyen? Nanryen. Amwen ki mon kominik zot en revelasyon, en konnesans, oubyen en mesaz sorti kot Bondye, oubyen en lansennyman!
I ava gard sa bann lalwa avek li e lir li tou le zour son lavi. Konmsa, i ava annan respe pour SENYER son Bondye e obzerv tou bann parol lalwa ek bann regleman.
Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.
Proklanm Laparol, ensiste dan tou sirkonstans ki prezante, favorab ou non; konvenk dimoun, reprimann zot, ankouraz zot, ansenny zot avek bokou pasyans.
Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.