1 Timote 3:2 - Labib An Kreol Seselwa

² En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

1 Timote 3:2 ပူးပေါင်းရင်းမြစ်များ

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Levanzil dapre Lik 2:36

Ti annan osi en profetes ki ti apel Ann, fiy Fanyel, sorti dan tribi Aser. I ti tre vye. I ti'n viv avek son mari zis pour 7 an.

Romen 12:13

Ed zot bann frer ki dan bezwen e pratik lospitalite.

Filipyen 2:15

Konmsa, zot ava inosan, san repros, bann zanfan Bondye san defo parmi dimoun malonnet e move ki dan sa monn. Zot devre briye parmi sa bann dimoun, parey bann zetwal dan lesyel,

1 Timote 3:12

Bann dyak, zot devre annan en sel fanm e kapab byen diriz zot bann zanfan ek zot fanmir.

1 Timote 3:8

Bann dyak osi, zot devret serye e annan en sel parol. Fodre pa ki zot kontan bwar, ni kontan gen malonnet.

1 Timote 4:3

Sa bann dimoun pe ansennyen ki fodre pa marye, ni manz serten nouritir. Pourtan Bondye ki'n kree sa bann nouritir. Alor, bann krwayan ki konn laverite, zot kapab manze e dir mersi.

1 Timote 5:10

Fodre ki i ganny rekonnet pour son travay byenfezans. Fodre ki i'n byen elve son bann zanfan, pratik lospitalite, montre limilite an lavan lipye bann krwayan, port sekour bann malere e pratik bann bonn aksyon.

1 Timote 5:22

Pa prese pour enpoz lanmen lo personn, pour konfye li en responsabilite dan Legliz. Pa bezwen partisip dan pese lezot; gard ou lekor pir.

1 Timote 5:9

Pour ganny enskri lo lalis bann vev, fodre ki en fanm i annan omwen 60 an, e ki i'n marye zis en sel fwa.

2 Timote 2:24

E zot konnen ki serviter Senyer pa devret fer kerel. Okontrer, i devre byen avek tou dimoun, kapab ansennyen e pasyan.

Let Pol pour bann Tit 2:2

Dir bann vyeyar ki zot devre modere dan tou, respektab, rezonnab e solid dan vre lafwa, lanmour ek lapasyans.

Ebre 13:2

Pa oubliye pratik lospitalite. Annefe, serten san konnen, in resevwar lanz se zot.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

1 Pyer 4:9

Pratik lospitalite ant zot san gronnyen.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.