1 Timote 3:13 - Labib An Kreol Seselwa

¹³ Bann dyak ki fer byen zot travay ava ganny onore. Zot ava kapab koz avek bokou lasirans lo lafwa dan Zezi-Kri.

1 Timote 3:13 ပူးပေါင်းရင်းမြစ်များ

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

Matye 25:21

Son met ti dir li: Ou'n byen fer. Ou en bon e fidel serviter! Ou'n fer byen dan en pti zafer; alor, mon pou donn ou en pli gran responsabilite. Vin partaz mon lazwa.

Levanzil dapre Lik 19:17

Lerwa ti dir li: Ou'n byen fer; ou en bon serviter! Akoz ou'n fidel dan en pti keksoz, mon pou met ou ansarz dis lavil.

Akt de Zapot 21:35

Kan Pol ti ariv dan leskalye, bann solda ti bezwen anmenn li, akoz lafoul ti'n vin tro vyolan.

Akt de Zapot 6:15

Tou bann manm Konsey ti fikse Etyenn e zot ti war son figir vin parey pour en lanz.

Akt de Zapot 6:5

Sa propozisyon ti fer plezir tou dimoun. Zot ti swazir, Etyenn, en zonm ranpli avek lafwa ek Lespri Sen, Filip, Prokor, Nikanor, Timon, Parmenas ek Nikola, en konverti sorti Antyos.

Akt de Zapot 6:8

Etyenn, en zonm ki ti ranpli avek lagras ek lafors, ti pe fer en kantite siny ek gran mirak parmi lepep.

1 Korentyen 16:15

Zot konnen ki lafanmir Stefanas i bann premye krwayan dan Lagres; zot in byen devoue zot dan servis lakominote.

Filipyen 1:14

Alor, pandan mon letan dan prizon, konfyans laplipar bann frer in ogmante. Deplizanpli, zot in vin pli brav pour anons mesaz Bondye san okenn lafreyer.

1 Tesalonisyen 2:2

Zot osi konnen ki, avan nou ti vin kot zot, nou ti ganny ensilte e maltrete dan lavil Filipi. Malgre en gran lopozisyon, Bondye ti donn nou kouraz pour anons zot Bonn Nouvel.

1 Timote 3:14

Mon pe ekri ou sa let, me avek lespwar vin war ou byento.

2 Timote 2:1

Alor ou, mon garson, pran ou lafors dan lagras ki sorti kot Zezi-Kri.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.