1 Timote 3:11 - Labib An Kreol Seselwa

¹¹ Bann fanm osi, zot devret serye, e pa abitye koz dimal lo lezot. Zot devre modere e fidel dan tou.

1 Timote 3:11 ပူးပေါင်းရင်းမြစ်များ

Psonm 101:5

Mon pou detri sa enn ki kalonmni son prosen dan kasyet. Mon pa pou toler bann ki orgeye e arogan.

Psonm 15:3

ki pa koz dimal lo son prosen, ki pa fer ditor son zanmi, ki pa ensilte son prosen,

Psonm 50:20

Ou asize e koz kont ou frer; ou sali repitasyon zanfan ou prop manman.

Proverb 10:18

Sa enn ki kasyet son laenn i en manter. Sa enn ki fann mansonz i en fou.

Proverb 25:13

En mesaze fidel i rekonfort son met ki anvoy li; i parey lafreser lannez pandan larekolt.

Zeremi 9:4

Sakenn i bezwen mefye son zanmi. Personn napa konfyans dan son frer, parey Zakob, sak frer i en manter. Zot tou, zot dir dimal lo zot prosen.

Ezekyel 44:22

Zot pa devre marye avek en vev, ni avek en fanm divorse, me zis avek bann zenn fiy ki sorti dan en fanmir Izraelit.

Levitik 21:7

Zot pa pou marye avek en prostitye oubyen avek en fanm ki'n ganny dezonore par en lot zonm, ni avek en fanm divorse. Annefe, zot in ganny konsakre pour Bondye.

Matye 4:1

Alor, Lespri ti anmenn Zezi dan dezer, pour li ganny tante par dyab.

Levanzil dapre Zan 6:70

Zezi ti reponn zot, “Pa mwan ki'n swazir zot, sa 12 zot? Pourtan, enn parmi zot i en dyab.”

Romen 1:29

Zot ranpli avek toudsort mesanste, move dezir, vis, zalouzi, krim, dispit, riz, malis. Zot lans bann fo lakizasyon.

1 Timote 1:12

Mon remersye Zezi-Kri, nou Senyer ki'n donn mwan lafors pour sa travay. Mon remersye li ki'n met son konfyans dan mwan, e ki'n swazir mwan pour son servis,

1 Timote 3:2

En dirizan dan Legliz i devre en zonm san okenn repros, mari en sel fanm, modere dan tou, rezonnab, respektab, kontan donn lospitalite, kapab byen ansennyen.

1 Timote 6:2

Bann lesklav ki zot met i krwayan, fodre pa ki zot mank respe anver li, anba preteks ki zot frer. O kontrer, zot devre servi sa bann met pli byen ankor, akoz sa ki pe benefisye zot servis, zot bann krwayan ki Bondye i kontan. La sa ki ou devre ansennyen e rekomande:

2 Timote 3:3

Zot pou annan leker dir, san pitye, kalonmnye zot prosen, vyolan, kriyel, lennmi tou sa ki byen.

2 Timote 4:5

Me ou, kontrol ou dan tou sirkonstans; siport lasoufrans, fer ou travay koman predikater Bonn Nouvel, e ranpli ou devwar dan servis Bondye.

Let Pol pour bann Tit 2:3

Dir osi bann fanm aze, ki zot devre konport zot koman dimoun ki pe viv en lavi sen. Zot pa devre kolport zaksyon ki fer ditor, ni vin lesklav lalkol. Zot devre sirtou donn bann bon konsey.

Let Pol pour bann Tit 3:2

Dir zot pa malparl personn, evit tou kerel e montre zot zanmi e poli avek tou dimoun.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.