1 Timote 2:8 - Labib An Kreol Seselwa

⁸ Alor, mon demande ki bann zonm i priye partou; ki zot lev lanmen ver lesyel avek en leker pir, san okenn lakoler, ni dispit.

1 Timote 2:8 ပူးပေါင်းရင်းမြစ်များ

1 Rwa 3:11

Alor, Bondye ti dir Salomon, “Akoz ou pa'n demann ni pour viv lontan, ni larises, ni lanmor ou bann lennmi, me ou'n demann lasazes pour gouvern avek lazistis,

Liv Zob 16:17

Pourtan, napa okenn disan lo mon lanmen, e mon lapriyer i senser.

Psonm 134:2

Lev lanmen ver sanktyer e loue SENYER.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Psonm 24:4

Sa enn ki lanmen i prop e leker i pir; ki pa aksepte mansonz e ki pa fer fo promes pour tronp dimoun.

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Psonm 28:2

Ekout mon siplikasyon kan mon kriy ver ou. Mon lev mon lanmen ver ou, dan ou sanktyer sen.

Psonm 35:13

Kan zot ti malad, mon ti met lenz dey. Par senpati, mon ti fer en zenn e mon ti priye.

Psonm 63:4

Mon pou kontinyen remersye ou tou mon lavi; mon pou lev mon lanmen pour glorifye ou non.

Psonm 66:18

Si mon ti'n gard mesanste dan mon leker, SENYER pa ti pou ekout mwan.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 21:27

Sakrifis bann malfeter i degoutan; anplis, zot ofer li avek move lentansyon.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Matye 21:21

Zezi ti reponn zot, “Mon dir zot, sa i laverite: Si zot krwar san okenn dout, zot ava kapab fer sa ki mon'n fer avek sa pye fig. Pa zis sa: Zot ava osi kapab dir avek sa montanny: Sorti e al zet ou dan lanmer; e sa pou arive.

Matye 5:44

Me mwan mon dir zot: Kontan zot bann lennmi e priy pour bann ki persekit zot.

Matye 6:12

Pardonn nou, nou lofans, parey nou pardonn bann ki'n ofans nou.

Levanzil dapre Lik 23:34

Zezi ti dir, “Papa! Pardonn zot, akoz zot pa konnen ki zot pe fer.” Zot ti tir osor pour partaz son lenz.

Levanzil dapre Lik 24:50

Apre, Zezi ti anmenn zot ziska Betani. La, i ti lev lanmen e beni zot.

Levanzil dapre Zan 4:21

Zezi ti dir li, “Fanm! Krwar mwan: Letan pe vini kan zot pa pou ador Bondye, ni lo sa montanny ni Zerizalenm.

Akt de Zapot 10:2

Sa zonm ki ti annan respe pour Bondye, ti byen relizye. Avek son fanmir, i ti touzour priy Bondye. I ti fer bokou lomonn bann pov parmi pep Zwif e priye regilyerman.

Akt de Zapot 10:31

I ti dir mwan: Korney! Bondye in antann ou lapriyer e i pa'n oubliy ou bann lomonn.

Akt de Zapot 10:4

I ti get lanz avek lafreyer. I ti dir, “Ki i annan Senyer?” Lanz ti reponn li, “Bondye in ekout ou bann lapriyer e in war ou bann lomonn anver bann pov. I pa'n oubliy ou.

Akt de Zapot 21:5

Me apre en semenn, nou ti kontiny nou vwayaz. Zot tou, avek zot fanm ek zot zanfan, ti kondwir nou ziska an deor lavil. Nou ti azenou lo bor lanmer e nou ti priye.

Akt de Zapot 7:60

I ti tonm azenou e kriye avek en lavwa for, “Senyer! Pardonn zot pour sa pese!” Apre sa bann parol, Etyenn ti mor.

1 Korentyen 1:2

Pour Legliz Bondye ki Korent, e pour sa bann ki'n ganny apele pour viv pour Bondye par lafwa dan Zezi-Kri; pour tou ki'n ganny apele dan non nou Senyer Zezi-Kri, zot Senyer e nou Senyer.

1 Korentyen 7:7

An realite, mon ti ava kontan si tou ti parey mwan. Me Bondye in donn sakenn son don partikilye, enn dan en fason, en lot dan en lot fason.

2 Korentyen 2:14

Nou loue Bondye ki'n fer nou ranport laviktwar ini avek Kris. Par nou, i fer ki Kris i ganny konnen partou e ki i repann parey loder en parfen.

Filipyen 1:12

Mon bann frer ek ser! Mon oule ki zot konnen: Sa ki'n arive avek mwan, in kontribye pour fer progrese Bonn Nouvel.

1 Tesalonisyen 1:8

Annefe, parol Senyer in sorti kot zot e ganny proklanmen non selman dan Masedwann ek Lagres, me nouvel zot lafwa dan Bondye in osi repann partou. Nou pa bezwen koz plis lo la.

1 Timote 5:14

Pour sa rezon, mon oule ki bann zenn vev zot remarye; ki zot ganny zanfan e pran swen zot lakaz. Konmsa, zot pa ava donn okenn lokazyon nou bann ladverser dir dimal lo nou.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!

1 Pyer 3:7

Zot osi bann mari! Dan lakour, viv dan larmoni sakenn avek son fanm. Tenir kont zot natir ki pli frazil. Tret zot avek respe, akoz zot osi, zot pou resevwar ansanm avek zot, sa kado vre lavi ki sorti kot Bondye. Si zot azir konmsa, zot lapriyer pa pou rankontre okenn lobstak.