1 Timote 2:7 - Labib An Kreol Seselwa

⁷ Pour sa rezon, ki mon'n ganny anvoye koman en zapot e ansennyan kot bann non-Zwif, pour anons mesaz lafwa ek laverite. Mon pa pe koz manti, mon pe dir laverite.

1 Timote 2:7 ပူးပေါင်းရင်းမြစ်များ

Psonm 111:7

Tou sa ki i fer avek son lanmen i vre e i zis. Tou son bann direktiv i sir.

Eklezyas 1:12

Mwan, en saz, mon ti lerwa lo pep Izrael, dan Zerizalenm.

Eklezyas 7:27

Eklezyas i dir: Mon ti obzerv tou keksoz, enn par enn pour trouv larezon en keksoz i arive. La sa ki mon'n dekouver.

Levanzil dapre Zan 7:35

Bann Zwif ti pe demann ant zot: Kote sa zonm pou ale, ki nou pa pou trouv li? Eski i pe al kot bann Zwif disperse parmi bann Grek? Eski i pe al ansenny bann Grek?

Akt de Zapot 14:27

Kan Pol ek Barnabas ti ariv Antyos, zot ti reini Legliz e rakont tou sa ki Bondye ti'n fer atraver zot: Koman i ti'n ouver en laport pour ki bann non-Zwif osi ava kapab krwar.

Akt de Zapot 22:21

Me Senyer ti dir mwan, “Ale! Mon pou anvoy ou lwen, ver bann non-Zwif.”

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Romen 1:9

Bondye ki mon servi avek tou mon leker an anonsan Bonn Nouvel son Garson, i temwen ki tou sa ki mon pe dir i vre: I konnen ki mon touzour mazin zot

Romen 10:14

Me ki mannyer zot pou envok li, si zot pa krwar dan li? Ki mannyer zot pou krwar dan li, si zot pa'n antann koz lo li? Ki mannyer zot pou antann koz lo li, si personn pa anons li?

Romen 11:13

Aprezan, mon koz avek zot, bann non-Zwif: Koman zapot pour bann non-Zwif, mon kontan sa minister.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Romen 9:1

Ini avek Kris, mon pe dir laverite; mon pa pe koz manti. Mon konsyans, gide par Lespri Sen i rann temwannyaz avek mwan.

1 Korentyen 9:1

Pa mon lib? Pa mon en zapot? Pa mon'n war Zezi nou Senyer? Pa zot rezilta mon travay dan servis Senyer?

2 Korentyen 11:31

Bondye, Papa Senyer Zezi, ki i ganny beni pour touzour, i konnen ki mon pa pe manti.

Galat 1:16

I ti trouv bon pour revel mwan son Garson, pour ki mon anons li parmi bann non-Zwif.

Galat 1:20

Sa ki mon pe ekri la, mon dir li devan Bondye, mon pa pe manti.

Galat 2:16

Nou konnen ki en dimoun pa ganny zistifye devan Bondye an pratikan sa ki Lalwa Moiz i ordonnen, me par lafwa dan Zezi-Kri. Nou osi nou'n krwar dan Zezi-Kri, pour ki nou ganny zistifye par lafwa dan Kris, e non pa akoz nou pratik tou sa ki Lalwa Moiz i ordonnen. Annefe, personn pa pou ganny zistifye akoz i pratik sa ki Lalwa Moiz i ordonnen.

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Galat 3:9

Abrahanm ti krwar e i ti ganny beni. Konmsa, tou dimoun ki annan lafwa i resevwar benediksyon parey Abrahanm.

2 Timote 1:11

Bondye in swazir mwan koman en zapot e en ansennyan pour anons Bonn Nouvel.

2 Pyer 2:5

Bondye pa'n eparny lemonn ansyen, me i ti anvoy deliz lo son bann move zabitan. I ti prezerv lavi wit dimoun ansanm avek Noe, ki ti proklanm lazistis.