1 Timote 2:2 - Labib An Kreol Seselwa

² Pour bann lerwa ek tou dimoun ki okip en plas enportan, pour ki nou kapab viv en lavi trankil, anpe, atase avek Bondye e viv en lavi respektab avek dinyite.

1 Timote 2:2 ပူးပေါင်းရင်းမြစ်များ

2 Samyel 20:19

Nou parmi bann ki gard lape, e ki pli fidel dan pei Izrael. Ou, ou pe esey detri en lavil ki en manman dan pei Izrael. Akoz ou oule detri posesyon SENYER?”

Esdras 6:10

Konmsa, zot ofer sakrifis ki donn en loder ki fer plezir Bondye dan lesyel e zot ava priye pour lavi lerwa ek son bann garson.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Psonm 72:1

Mon Bondye! Donn lerwa lasazes pour pas bon zizman. Donn sa garson lerwa lazistis.

Proverb 24:21

Mon garson! Annan respe pour SENYER ek lerwa; pa frekant sa enn ki oule sanz tou.

Zeremi 29:7

Travay pour fer lape dan lavil kot mon'n anvoy zot annegzil. Priy SENYER pour sa lavil, akoz ou boner i depann lo son boner.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Levanzil dapre Lik 2:25

Ti annan en zonm dan Zerizalenm ki ti apel Simeon. I ti en zonm zis ki ti annan respe pour Senyer. I ti pe esper konsolasyon pep Izrael e Lespri Sen ti avek li.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Akt de Zapot 24:16

Pour sa rezon, mon fer touzour tou mon posib pour annan en konsyans kler devan Bondye e devan tou dimoun.

Romen 12:18

Si i posib, fer tou sa ki depann lo zot, pour zot viv anpe avek tou dimoun.

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

1 Tesalonisyen 4:11

Fer tou pour viv anpe e okip zot prop zafer. Travay avek zot prop lanmen, parey nou'n deza demann zot.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.