1 Timote 1:9 - Labib An Kreol Seselwa

⁹ Annou rapel an partikilye ki Lalwa pa'n fer pour bann ki zis, me pour bann malfeter ek bann rebel; pour bann dimoun mesan ek bann peser; pour bann ki napa respe pour Bondye, ni pour sa ki sen; pour bann ki touy zot manman oubyen zot papa; pour bann kriminel;

1 Timote 1:9 ပူးပေါင်းရင်းမြစ်များ

2 Samyel 16:11

David ti dir Abisai ek tou son bann serviter, “Si mon prop garson ki mon'n fer, pe rod touy mwan, napa nanryen etonan ki sa Benzamit in fer. Les li trankil; i kapab ensilte akoz SENYER in donn li lord.

2 Rwa 19:37

En zour, letan i ti pe priye dan tanp son bondye Nisrok, son de garson Adramelek ek Sareser, ti touy li avek lepe e sov dan pei Ararat. Son garson, Asaradon, ti renny dan son plas.

2 Kronik 32:21

SENYER ti anvoy en lanz ki ti detri tou bann vayan gerye ek bann komandan dan kan lerwa Asiriyen. Alor, lerwa Asiriyen, kouver avek laont, ti retourn dan son pei. Plitar, ler i ti antre dan tanp son bondye, serten son bann prop garson ti touy li avek lepe.

Egzod 20:13

Ou pa pou komet okenn mert.

Egzod 21:14

Me si dan lakoler, en zonm i atak en lot par riz e i touy li, ou ava aret li, menm akote mon lotel pour li ganny touye.

Proverb 20:20

Sa enn ki modi son papa oubyen son manman, son lalanp pou tennyen ler fernwanr i fer.

Proverb 28:17

Sa enn ki annan disan lo son lanmen, pou sove pour tou son lavi.

Proverb 28:24

Sa enn ki depouy son papa ek son manman e ki dir: Sa pa en krim, i dalon avek en kaser lakaz.

Proverb 30:11

I annan en kalite dimoun ki modi zot papa e pa beni zot manman.

Proverb 30:17

Lizye ki mepriz en papa, e ki negliz obeir son manman, korbo obor larivyer, pour krev zot, piti en leg pour devor zot.

Zeremi 23:11

Ni bann profet, ni bann pret pa montre respe pour mwan. Mon'n war tou sa bann move aksyon ki zot komet menm dan tanp, SENYER i deklare.

Ezekyel 21:25

Ekoute! Move sef ki gouvern Izrael! Ou letan in fini; zour lafen ou bann krim pou arive.

Levitik 20:9

Sa enn ki ensilte son papa oubyen son manman, ava ganny touye akoz i'n dezonor son papa oubyen son manman. Alor, i ava responsab son prop lanmor.

Matye 10:21

En frer pou denons son prop frer pour li ganny touye. Papa pou denons son prop zanfan. Bann zanfan pou tourn kont zot paran e fer zot ganny kondannen anmor.

Romen 1:30

Zot dir dimal lo kanmarad. Zot bann lennmi Bondye, ensolan, orgeye, vantar. Zot touzour pare pour envant bann nouvo fason pour fer ditor. Zot rebel anver zot paran.

Romen 4:13

Bondye ti promet Abrahanm ek son desandan ki zot pou erit later, pa akoz Abrahanm ti obei Lalwa, me akoz i ti ganny konsidere koman zis, par son lafwa.

Romen 5:20

Lalwa in vini e pese in ogmante. Me la kot pese in ogmante, lagras Bondye in ogmant plis ankor.

Romen 6:14

Annefe, pese pou nepli annan okenn kontrol lo zot, akoz zot pou nepli viv anba Lalwa, me anba lagras Bondye.

Galat 3:19

Alor, akfer Lalwa? I ti ganny entrodwir akoz pese, ziska ki sa desandan Abrahanm avek ki promes ti ganny fer, i arive. Sa Lalwa ti ganny anonse par bann lanz ki'n servi en lentermedyer.

Galat 5:18

Si zot les zot ganny dirize par Lespri, Lalwa pou napa kontrol lo zot.

Galat 5:21

groker, parti bwar ek manze, ek lezot aksyon parey ankor. Mon averti zot parey mon'n deza fer li: Bann ki pratik sa bann keksoz parey, pa pou erit Rwayonm Bondye.

Galat 5:23

ladouser, kontrol lo son prop lekor. Lalwa pa kont bann keksoz parey.

Deterononm 27:16

Malediksyon lo sa enn ki dezonor son papa oubyen son manman. Lepep ava dir: Amenn!

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

1 Timote 4:7

Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

1 Timote 6:20

Mon ser Timote! Gard byen sa ki ou'n ganny konfye. Evit bann konversasyon vid e kontrer avek lafwa, ek bann fo largiman ki zot apel konnesans.

2 Timote 2:16

Evit bann diskisyon vid ki kontrer avek lafwa. Sa i antrenn dimoun pli lwen avek Bondye.

2 Timote 3:2

Annefe, zonm pou vin egois, kontan larzan, vantar, arogan. Zot pou koz kont Bondye, dezobei zot paran, engra, san okenn respe pour sa ki sakre.

Let Pol pour bann Tit 1:10

Annefe, i annan bokou, sirtou parmi bann kretyen Zwif, ki rebel e ki tronp lezot par zot bann parol vid.

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

Let Pol pour bann Tit 1:6

En ansyen i devret en zonm san repros, mari en sel fanm. Fodre ki son bann zanfan i krwayan, avek en bon repitasyon e ki zot obeisan.

Let Pol pour bann Tit 3:3

Annefe, nou osi, dan lepase, nou ti bet, rebel e dan lerer. Nou ti lesklav toudsort kalite pasyon ek plezir. Nou ti pe viv dan mesanste e dan lanvi; dimoun ti ay nou e nou ti ay kanmarad.

Ebre 11:31

Par lafwa, Rahab, sa prostitye, pa ti ganny detri avek bann lennmi Bondye, akoz i ti'n byen akeyir bann espyon.

Ebre 12:16

Fer atansyon ki personn pa anmenn en lavi imoral. Pa mank respe pour sa ki sakre, parey Ezai ki, pour en sel repa, ti vann son drwa koman lene garson.

1 Pyer 2:7

Alor, pour zot ki krwar, sa ros i annan en gran valer, me pour bann ki pa krwar, Sa ros ki bann konstrikter ti'n rezete, in vin ros kwen prensipal.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

1 Pyer 4:18

Parey Lekritir i deklare: Si sa enn ki zis i ganny sove difisilman, ki pou arive avek sa enn ki annan en move lavi ek bann peser?

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!