1 Timote 1:4 - Labib An Kreol Seselwa

⁴ Dir zot aret krwar dan sa bann fab ek sa bann long lalis zanset. Tousala i plito anmenn diskisyon, e i pa ede realiz plan Bondye par lafwa.

1 Timote 1:4 ပူးပေါင်းရင်းမြစ်များ

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Efezyen 3:2

Zot in sirman antann koz lo sa misyon ki Bondye dan son bonte, in sarz mwan pour fer dan zot faver.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Timote 4:7

Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

1 Timote 6:20

Mon ser Timote! Gard byen sa ki ou'n ganny konfye. Evit bann konversasyon vid e kontrer avek lafwa, ek bann fo largiman ki zot apel konnesans.

2 Timote 2:14

Ou devre rapel zot tousala. Averti zot devan Bondye ki zot devre evite diskit lo bann mo: Sa bann diskisyon pa servi dan nanryen, me zis pour detri sa enn ki ekoute.

2 Timote 2:22

Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.

2 Timote 2:23

Pa partisip dan bann diskisyon ensanse e bet. Parey ou konnen, zot provok lager.

2 Timote 4:4

Zot pou nepli oule ekout laverite, me zot pou prefer bann fab.

Let Pol pour bann Tit 1:1

Sa let i sorti kot Pol, serviter Bondye, e zapot Zezi-Kri, pour anmenn dan lafwa tou bann ki Bondye in swazir, e dan konnesans laverite, pour zot viv koman Bondye i oule nou viv,

Let Pol pour bann Tit 1:14

olye kontinyen ekout bann fab Zwif, ek komannman bann zonm ki'n abandonn laverite.

Let Pol pour bann Tit 3:9

Me evite fer bann diskisyon bet, bann long lalis bann zanset, kerel ek lager konsernan Lalwa. Tousala i initil e san valer.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

2 Pyer 1:16

Annefe, nou pa'n baz nou lo bann fab konplike pour fer zot konn retour pwisan nou Senyer Zezi-Kri. Nou'n war son grander avek nou prop lizye.