1 Timote 1:3 - Labib An Kreol Seselwa

³ Parey mon ti dir ou kan mon ti pe al Masedwann, reste Efez kot serten dimoun pe ansenny fo doktrin. Fodre ou fer zot arete.

1 Timote 1:3 ပူးပေါင်းရင်းမြစ်များ

Akt de Zapot 18:19

Kan i ti ariv Efez, Pol ti kit Prisil ek Akila. I ti al dan sinagog e diskit avek bann Zwif.

Akt de Zapot 18:21

I ti kit zot an dizan, “Mon ava retourn kot zot, si Bondye i oule.” Alor, i ti kit Efez par bato.

Romen 15:26

Annefe, bann krwayan dan Masedwann ek Lagres in kontan fer en souskripsyon pour bann pov anver kominote ki Zerizalenm.

Romen 16:17

Mon demann zot, frer ek ser, fer atansyon avek sa bann ki senm divizyon ek dezord kontrerman avek lansennyman ki zot in gannyen. Evit bann tel dimoun.

2 Korentyen 11:4

Annefe, zot pare pour aksepte nenport ki, ki vin anons zot en lot Zezi ki sa enn ki nou'n anons zot. Zot osi pare pour resevwar fasilman en lespri ek en mesaz ki diferan avek sa Lespri ek sa Bonn Nouvel ki zot in resevwar avek nou.

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Filipyen 2:24

Mon annan konfyans dan Senyer, ki byento mon pou vin war zot mwan menm.

1 Timote 4:11

Sanmenm ki ou devre rekomande e ansennyen.

1 Timote 4:6

Si ou ansenny bann frer ek ser tou sa bann keksoz, ou ava en bon serviter Zezi-Kri. Ou ava montre ki ou'n ganny byen nouri par bann parol lafwa ek vre lansennyman ki ou'n swiv.

1 Timote 5:7

Sanmenm sa ki fodre ou rapel zot, pour ki personn pa kapab repros zot.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

2 Timote 1:18

Mon demande ki zour zizman, Senyer ava akord li konpasyon ki sorti kot Bondye. Ou osi konnen, sa kantite servis ki i'n rann mwan kan mon ti Efez.

2 Zan 1:7

Annefe, bokou manter in fannen partou dan lemonn, bann dimoun ki pa aksepte ki Zezi-Kri in vin koman en zonm vreman. En tel dimoun, i en manter e Ladverser Kris.

Revelasyon 2:14

Sepandan, mon annan detrwa repros pour fer ou: Ou annan kot ou serten dimoun ki atase avek lansennyman Balaanm. I ti montre Balak konman pour fer bann Izraelit tonm dan pese: I ti fer zot manz lavyann ki'n ganny ofer avek zidol e fer zot pratik limoralite seksyel.

Revelasyon 2:20

Me la sa ki mon annan kont ou: Ou toler Zezabel, sa fanm ki pas li pour en profet. I tronp mon bann serviter e ansenny zot pratik limoralite, pour fer zot manz lavyann ki'n ganny ofer avek bann zidol.