1 Timote 1:17 - Labib An Kreol Seselwa

¹⁷ Annou rann loner ek laglwar anver Lerwa eternel, sel Bondye imortel e envizib pour touzour! Amenn.

1 Timote 1:17 ပူးပေါင်းရင်းမြစ်များ

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

Nehemi 9:5

Bann levit Zozye, Kadmyel, Hasabneya, Serebya, Odiya, Sebanya, ek Petahya, ti dir: Leve, remersye SENYER, zot Bondye! Remersye li depi touzour e pour touzour! Ou non glorye ki depas tou benediksyon e tou louanz i ganny beni!

Psonm 10:16

SENYER i lerwa pour touzour. Bann nasyon pou disparet dan son pei.

Psonm 106:48

Loue SENYER, Bondye Izrael depi touzour e pour touzour! Lepep antye ava dir: Amenn! Loue SENYER!

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 41:13

Loue SENYER, Bondye Izrael pour touzour! Amenn! Amenn!

Psonm 45:1

Mon leker i deborde avek zoli parol. Mon dedye mon poenm pour lerwa. Mon lalang i parey plim en bon poet.

Psonm 45:6

Pei ki Bondye in donn ou pou gouvernen, pou egziste pour touzour. Ou baton rwayal i en baton ladrwatir.

Psonm 57:11

Mon Bondye! Montre ki ou grander i pli o ki lesyel e ki ou laglwar i kouver later antye.

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Zeremi 10:10

Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Matye 25:34

Alor, lerwa pou dir avek sa bann lo son kote drwat: Vini, zot ki mon Papa in beni! Vin erit Rwayonm ki'n ganny prepare pour zot depi kreasyon lemonn.

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 5:44

Zot kontan resevwar konpliman avek kanmarad. Me konpliman ki sorti zis kot Bondye zot pa rode. Ki mannyer alor, zot pou kapab krwar mwan?

Romen 1:20

Annefe, depi ki Bondye in kree lemonn, nou war pwisans eternel ek divinite Bondye; nou disern li atraver son bann mervey. Alor, zonm i san leskiz.

Romen 1:23

Olye ador Bondye dan son mazeste ki egziste eternelman, zot ador bann stati ki reprezant en zonm ki mortel, zwazo, zannimo kat lapat ek reptil.

Romen 11:36

Annefe, tou i sorti kot li; tou i egziste par li e pour li. Bondye i merit laglwar pour touzour! Amenn!

Romen 16:27

Nou rann glwar Bondye, ki sel i posed lasazes, par Zezi-Kri, pour touzour! Amenn.

Romen 2:10

Par kont, pou annan laglwar, loner ek lape pour tou dimoun ki pratik sa ki byen, Zwif dabor, me osi pour bann non-Zwif,

Romen 2:7

Bann ki fer lebyen, pou ganny laglwar, loner ek limortalite.

Kolosyen 1:15

Kris i zimaz vizib Bondye ki envizib. I lene dan kreasyon antye.

Ebre 11:27

Par lafwa, Moiz ti kit Lezip, san ki i ti per lakoler lerwa. I ti persevere konmsi i ti pe war sa enn ki envizib.

Ebre 2:7

Ou'n abes li pli ba ki bann lanz pour en pti pe letan. Ou'n kouronn li avek laglwar ek loner.

1 Pyer 5:11

Li menm ki posed lapwisans pour touzour! Amenn.

2 Pyer 3:18

Kontinyen grandi dan lagras ek konnesans nou Senyer e Sover Zezi-Kri. Annou rann li glwar, aprezan e pour touzour! Amenn!

1 Zan 4:12

Personn pa'n deza war Bondye. Si nou kontan kanmarad, Bondye i viv dan nou e son lanmour i parfe dan nou.

Let Zid 1:25

pour li, sel Bondye, nou Sover par Zezi-Kri nou Senyer, nou rann glwar, grander, pwisans ek lotorite, depi touzour, aprezan e pour touzour. Amenn!

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 19:1

Apre sa, mon ti antann en lavwa for, konmsi lavwa en gran lafoul dan lesyel ki ti kriye: Loue Senyer! Delivrans, laglwar ek pwisans i pour nou Bondye!

Revelasyon 19:16

Lo son rob e lo son kwis, en non in ganny enskri: Lerwa tou bann lerwa, Senyer tou bann senyer.

Revelasyon 19:6

Apre sa, mon ti antann en lavwa konmsi ti lavwa en gran lafoul, parey tapaz gro delo ki koule, konmsi tapaz loraz. Sa lavwa ti pe dir: Loue Senyer! Nou Senyer nou Bondye Toupwisan i Lerwa.

Revelasyon 7:12

Zot ti dir: Amenn! Louanz, laglwar, lasazes rekonesans, loner, pwisans, lafors pour nou Bondye pour touzour. Amenn!