1 Timote 1:12 - Labib An Kreol Seselwa

¹² Mon remersye Zezi-Kri, nou Senyer ki'n donn mwan lafors pour sa travay. Mon remersye li ki'n met son konfyans dan mwan, e ki'n swazir mwan pour son servis,

1 Timote 1:12 ပူးပေါင်းရင်းမြစ်များ

Matye 20:4

I ti dir zot, “Zot osi al travay dan mon plantasyon rezen. Mon ava donn zot en lapey ki zis.”

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Akt de Zapot 16:15

Lidi avek tou son fanmir, ti ganny batize. Apre, i ti envit nou kot li, “Si zot estimen ki mon vreman krwar dan Senyer, vin reste kot mwan.” I ti fors nou aksepte son lenvitasyon.

Akt de Zapot 9:15

Me Senyer ti dir li, “Ale! Akoz mon'n swazir sa zonm pour ki tou bann nasyon, bann lerwa ek pep Izrael i konn mwan.

Akt de Zapot 9:22

Me Sol ti pres avek plis lafors ankor. Bann Zwif ki ti pe reste Damas ti nepli konnen ki repons pour donn li kan i ti montre ki Zezi i li menm Mesi.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

1 Korentyen 3:5

Apre tou, ki Apolos i ete? Ki Pol i ete? Bann senp serviter, gras a ki, zot in arive krwar, letan nou pe akonpli travay ki nou Senyer in donn sakenn nou.

1 Korentyen 7:25

Konsernan bann ki pa'n marye, Senyer pa'n donn mwan okenn lord, me mon donn mon lopinyon koman en zonm ki, par lagras Senyer, zot kapab fer konfyans.

2 Korentyen 4:1

Akoz Bondye ki dan son bonte, i'n konfye nou sa minister, nou pa perdi kouraz.

Galat 3:26

Annefe, par lafwa ki ini zot avek Zezi-Kri, zot tou, zot zanfan Bondye.

Galat 3:28

Alor, i nepli annan okenn diferans ant Zwif ek non-Zwif, ant lesklav e ant dimoun lib, zonm oubyen fanm, akoz zot tou, zot in vin en sel avek Zezi-Kri.

Filipyen 2:11

e ki tou i proklanmen, ki Zezi-Kri i Senyer, pour laglwar Bondye Papa.

Filipyen 4:13

Mon kapab fer fas avek tou difikilte gras a Kris ki donn mwan lafors.

Kolosyen 1:25

Annefe, mon'n vin serviter Legliz par sa responsabilite ki Bondye in konfye mwan pour akonplir pour zot, setadir, pour anons son mesaz:

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

1 Timote 1:11

Sa lansennyman i dapre Bonn Nouvel laglwar ki Bondye ki sours nou boner, in konfye mwan.

1 Timote 1:2

Pour Timote, mon vre garson dan lafwa: Mon demande ki Bondye nou Papa, ek Zezi-Kri nou Senyer i donn ou lagras, pardon, ek lape.

1 Timote 6:13

Mon demann ou devan Bondye ki donn lavi, e devan Zezi-Kri ki ti donn temwannyaz son lafwa devan Pons Pilat:

2 Timote 2:2

Sa ki ou'n antann mwan anonse devan en kantite temwen, konfye li avek bann zonm dan ki ou annan konfyans. Konmsa, zot osi, zot ava kapab ansenny lezot.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.

Let Pol pour bann Tit 1:4

Mon ekri ou sa let, Tit, mon vre garson dan lafwa ki nou partaze. Bondye, nou Papa, ek Kris Zezi nou Sover ava donn ou lagras ek lape.

Filemon 1:9

mon prefere, sipliy ou lo non lanmour. Alor, mwan Pol, en vyeyar aprezan, osi en prizonnyen Zezi-Kri,