1 Samyel 9:6 - Labib An Kreol Seselwa

⁶ Serviter ti dir, “Mon konnen ki dan sa lavil, i annan en profet Bondye, en zonm renonmen; tou sa ki i dir i realize. Annou al war li; petet i ava montre nou ki direksyon nou devre pran.”

1 Samyel 9:6 ပူးပေါင်းရင်းမြစ်များ

Zenez 24:42

Ozordi, kan mon'n ariv kot sa pwi, mon ti dir: SENYER, Bondye mon met Abrahanm! Si ou vreman fer reisi mon vwayaz,

2 Samyel 15:27

Lerwa ti dir ankor avek pret Sadok, “Retourn dan lavil anpe avek ou garson Ahimas, Abiatar ek son garson Zonatan.

1 Rwa 13:1

Lo lord SENYER, en profet Bondye sorti Zida ti ariv Betel, pandan ki Zeroboanm ti pe ofer lansan lo lotel.

2 Rwa 5:8

Ler Elize, profet Bondye, ti tande ki lerwa Izrael in desir son lenz, i ti anvoy sa mesaz kot lerwa: Akoz ou'n desir ou lenz? Les li vin kot mwan pour li konnen ki i annan en profet dan Izrael.

2 Rwa 6:6

Profet Bondye ti demande, “Kote in tonbe?” Ler i ti montre li landrwa, i ti koup en baton, e anvoy li dan sa landrwa, e latet lars ti flote.

Psonm 25:12

SENYER pour montre sa enn ki annan respe pour li, ki semen pou pran.

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Matye 24:35

Lesyel ek later pou disparet, me mon parol pa pou disparet.

Deterononm 33:1

La benediksyon ki Moiz, serviter Bondye ti prononse lo bann Izraelit avan son lanmor.

1 Tesalonisyen 2:10

Zot temwen, e Bondye osi, ki nou konportman anver zot bann krwayan ti pir, zis e san repros.

1 Tesalonisyen 5:13

Annan bokou respe ek lafeksyon pour zot, akoz travay ki zot pe fer. Viv byen anpe ant zot.

1 Timote 6:11

Pour ou ki en zonm Bondye, evit tousala. Atas ou avek lazistis, lafwa dan Kris, lanmour, pasyans ek ladouser.

1 Samyel 2:27

En profet ti vin kot Eli. I ti dir li: La sa ki SENYER in deklare: Pa mon ti fer ou zanset konn mwan ler zot ti ankor dan lesklavaz Faraon dan Lezip.

1 Samyel 9:8

Serviter ti reponn Sail, “Mon annan en pyes larzan, mon ava donn sa profet Bondye e i ava montre nou ki semen nou devre pran.”