1 Samyel 8:7 - Labib An Kreol Seselwa

⁷ SENYER ti dir li, “Ekout pep Izrael dan tou sa ki i ava dir ou. Annefe, pa ou ki zot rezete, me se mwan ki zot pe rezete; zot nepli oule mwan koman zot lerwa.

1 Samyel 8:7 ပူးပေါင်းရင်းမြစ်များ

Egzod 16:8

Moiz ti dir, “SENYER pou donn zot lavyann pour manze tanto e demen bomaten i pou donn zot dipen, akoz i'n antann zot mirmire kont li. Pa kont nou ki zot pe konplent e mirmire, me kont SENYER.”

Ezai 66:4

Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Zeremi 34:14

Tou le 7 an, zot pou liber zot frer Ebre ki zot ti'n aste koman lesklav e ki'n servi zot pandan 6 an. Me ou bann zanset pa ti ekout mwan e zot ti bous zot zorey.

Ezekyel 2:3

I ti dir mwan: Ou ki en imen, mon pe anvoy ou kot bann Izraelit, ver bann rebel ki'n revolte kont mwan; zot ek zot bann zanset in revolte ziska ozordi.

Ezekyel 3:7

Me, bann Izraelit pa pou oule ekout ou, akoz zot pa oule ekout mwan. Zot latet i dir e zot leker i fermen.

Nonm 22:20

Dan lannwit, Bondye ti vin kot Balaanm. I ti dir li, “Si sa bann zonm in vin apel ou, leve, al avek zot; me fer zis sa ki mwan, mon dir ou fer.”

Matye 10:40

Sa enn ki resevwar zot, i resevwar mwan. Sa enn ki resevwar mwan, i resevwar sa enn ki'n anvoy mwan.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Lik 19:14

Me bann sitwayen ti deteste li. Zot ti anvoy en delegasyon deryer li pour dir: Nou pa oule sa zonm koman nou lerwa.

Levanzil dapre Lik 19:27

Kanta mon bann lennmi ki pa ti oule mwan koman zot lerwa, anmenn zot isi e touy zot devan mwan.”

Levanzil dapre Zan 13:16

Mon dir zot, sa i laverite: En serviter pa pli enportan ki son met, ni en mesaze, pli enportan ki sa enn ki'n anvoy li.

Ziz 8:23

Zedeon ti dir zot, “Pa mwan, ni mon garson ki pou vin zot lerwa, me SENYER ki ava zot lerwa.”

1 Samyel 10:19

Me ozordi, zot in rezet Bondye ki'n sov zot dan tou zot maler ek detres, e zot dir li: Donn nou en lerwa. Aprezan, vin devan SENYER dapre tribi e par klan.”

1 Samyel 12:1

Samyel ti dir pep Izrael antye, “Mon'n ekout tou sa ki zot in dir mwan e mon'n donn zot en lerwa pou diriz zot.

1 Samyel 12:12

Kan zot ti war Nahas, lerwa bann Amonit, atak zot, zot ti dir: Nou oule en lerwa, nou osi pour gid nou. Pourtan SENYER, zot Bondye, ki zot lerwa.

1 Samyel 8:22

SENYER ti dir Samyel, “Ekout zot demann, e donn zot en lerwa.” Apre, Samyel ti dir sa bann zonm, “Retourn se zot dan zot lavil.”

1 Samyel 8:8

Pour tou sa ki mon'n fer pour zot depi ki mon'n tir zot dan Lezip ziska ozordi, zot pa'n zanmen aret abandonn mwan pour ador lezot bondye; la zot pe fer parey avek ou.