1 Samyel 8:3 - Labib An Kreol Seselwa

³ Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.

1 Samyel 8:3 ပူးပေါင်းရင်းမြစ်များ

2 Samyel 15:4

I ti azoute, “Si mwan ki ti ziz dan sa pei, tou dimoun ki annan en problenm ti ava vin kot mwan e mon ti ava ziz byen son zafer.”

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Psonm 26:10

Zot lanmen i sal avek bann aksyon degoutan. Zot lanmen drwat i pare pour aksepte gous.

Egzod 18:21

Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 23:6

Ou pa pou priv en pov son drwa dan en zafer.

Egzod 23:8

Ou pa pou pran okenn gous, akoz en gous i anpes dimoun war kler e dimoun onnet pa ganny lazistis.

Eklezyas 2:19

Ki swa en zonm saz oubyen en zonm fou, i pou annan pouvwar lo tou travay ki mon'n fer avek lasazes; tousala i zis vanite.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

1 Samyel 12:2

Aprezan, zot annan en lerwa pou gid zot. Mwan mon vye, mon latet i blan e mon bann garson i la avek zot. Mon'n gid zot depi mon zenes, ziska ozordi.

1 Samyel 2:35

Mon pou etabli en pret fidel ki pou akonpli tou mon lavolonte dapre mon leker e dapre mon lespri. Mon pou donn li en desandans solid ki pou touzour mars devan lerwa ki'n resevwar mon lonksyon