1 Samyel 7:6 - Labib An Kreol Seselwa

⁶ Zot ti rasanble zot tou Mispa. Zot ti pran delo e vers ater devan SENYER. Zot ti fer en zenn sa zour e zot ti dir, “Nou'n komet pese kont SENYER.” Se la Mispa, kot Samyel ti ziz pep Izrael.

1 Samyel 7:6 ပူးပေါင်းရင်းမြစ်များ

Zenez 31:49

I ti osi apel li Mispa, akoz i ti dir, “SENYER ava veye ant ou ek mwan, kan nou lwen e nou pa war avek kanmarad.

2 Samyel 14:14

Nou tou nou pou mor; nou parey delo ki'n fannen ater e ki pa zanmen kapab rasanble ankor. Bondye pa pran lavi; i annan bann plan ki pa les sa enn ki'n ganny anvoye annegzil pa reste lwen avek li.

1 Rwa 8:47

si zot sanz zot leker la, dan sa pei kot zot in ganny anmennen, si zot repanti e si zot enplor ou e dir: Nou'n fer pese, nou'n fer sa ki mal;

1 Kronik 11:18

Alor, sa trwa zonm brav ti penetre kan Filisten e tir delo dan pwi ki ti pre avek baro Betlehenm, e anmenn pour David. Me David pa ti oule bwar; i ti vid sa delo ater, devan SENYER.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

Nehemi 9:27

Alor, ou ti livre zot dan lanmen zot bann lennmi ki ti fer zot soufer. Me dan zot maler, zot ti kriy ver ou; depi lesyel, ou ti antann zot; dan ou gran bonte, ou ti donn zot bann sover ki ti delivre zot dan lanmen zot bann lennmi.

Liv Zob 16:20

Mon bann zanmi i mepriz mwan; mon lizye i sipliye avek larm devan Bondye.

Liv Zob 3:24

Mon bann soupir in vin mon nouritir. Mon bann zemisman i devide parey delo.

Liv Zob 33:27

Alor, i sante devan tou dimoun: Mon'n fer pese, mon pa'n fer sa ki drwat e mon pa'n ganny trete parey mon ti merite.

Liv Zob 40:4

Mon en nanryen ditou. Ki mon kapab reponn ou? Mon poz mon lanmen lo mon labous.

Liv Zob 42:6

Pour sa rezon, mon rekonnet mon tor e mon repanti dan lapousyer e dan lasann.

Psonm 106:6

Parey nou bann zanset, nou'n fer pese. Nou'n fer sa ki mal, nou koupab.

Psonm 119:136

Mon larm i koule parey en larivyer, akoz dimoun pa obei ou lalwa.

Psonm 42:3

Lizour koman aswar, mon larm i mon sel nouritir. Zot demann mwan: Oli ou Bondye?

Psonm 6:6

Mon fatige afors plennyen. Tou le swar, mon lili i mouye avek mon larm; afors mon plere, mon lili i tou tranpe.

Psonm 62:8

Pep! Fer li touzour konfyans. Dir li sa ki zot annan lo zot leker. Bondye i en labri pour nou.

Zeremi 31:19

Nou ti'n tourn lwen avek ou; me apre, nou ti regrete. Ou'n pini nou; aprezan nou rekonnet nou fot. Nou kanmi e nou'n ganny imilye, akoz pese ki nou'n komet dan nou zenes.

Zeremi 36:9

Dan senkyenm lannen ki Zoyakim, garson Zozyas ti lerwa Zida, dan nevyenm mwan, en seremoni zenn ti ganny proklanmen pour lepep ki reste Zerizalenm ek tou bann pep sorti dan bann lavil Zida.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Lamantasyon 2:11

Mon lizye i fatige plere. Mon leker i boulverse, mon dan dezespwar. Lennmi in detri mon pep. Bann zanfan e bann pti baba pe mor lo bann semen dan lavil.

Lamantasyon 3:49

Mon lizye pa pou aret plere,

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Ezekyel 20:4

Dir mwan, ou ki en imen, eski ou pou ziz zot? Alor, dir zot bann pratik degoutan ki zot zanset ti komet.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Levitik 16:29

Sa i en regleman pour zot pour touzour: Dizyenm zour, dan setyenm mwan, pep Izrael antye, ensi ki tou etranze ki reste parmi zot, ava zennen e aret tou travay.

Levitik 26:40

Me si zot rekonnet zot pese e pese zot zanset, e avoue ki zot in komet en sakrilez kont mwan, e ki zot in kontinyen opoz mwan,

Levanzil dapre Lik 15:18

Mon pou leve, mon pou al kot mon papa e mon pou dir li: Papa, mon'n mal azir kont Bondye e kont ou.

Zozye 18:26

Mispe, Kefira, Moza,

Ziz 10:10

Alor, pep Izrael ti kriy ver SENYER, “Nou'n fer pese kont ou, akoz nou'n abandonn nou Bondye pour al ador bann Baal.”

Ziz 10:15

Bann Izraelit ti dir SENYER, “Nou'n fer pese; tret nou koman i fer ou plezir. Me nou demann ou delivre nou ozordi.”

Ziz 2:4

Apre ki mesaze SENYER ti'n dir sa bann parol avek tou bann Izraelit, lepep ti kriye e sanglote plere.

Ziz 20:23

Bann Izraelit ti al plere devan SENYER ziska aswar. Zot ti konsilte SENYER: Eski fodre nou atak ankor nou bann frer Benzamit? SENYER ti reponn: Atake.

Ziz 20:26

Lepep ek tou bann Izraelit ti mont Betel kot zot ti reste e plere devan SENYER. Zot ti zennen tou lazournen e ofer sakrifis konplet ek sakrifis lape devan SENYER.

Ziz 3:10

Lespri SENYER ti desann li e i ti vin ziz pep Izrael. I ti al lager e SENYER ti donn li laviktwar lo Kousann-Riseataim, lerwa Mezopotami. I ti fer santi son pouvwar kont Kousann-Riseataim.

1 Samyel 1:15

Ann ti reponn, “Non, mon pa sou, me mon en fanm byen malere. Mon pa'n bwar ni diven, ni okenn lalkol, me mon pe devid mon leker devan SENYER.

1 Samyel 10:17

Samyel ti konvok lepep devan SENYER Mispa.

1 Samyel 12:10

Zot ti kriy ver SENYER: Nou'n fer pese, nou'n abandonn SENYER e nou'n servi bann Baal ek bann Astarte. Aprezan, delivre nou dan lanmen nou bann lennmi e nou ava servi ou.

1 Samyel 7:15

Samyel ti ziz pep Izrael pandan tou son lavi.