1 Samyel 7:10 - Labib An Kreol Seselwa

¹⁰ Pandan ki Samyel ti pe ofer sakrifis, bann Filisten ti aprose pour atak pep Izrael. Sa zour, SENYER ti anvoy gro loraz ki ti fer en kantite fraka e met konfizyon parmi larme Filisten. Pep Izrael ti bat zot.

1 Samyel 7:10 ပူးပေါင်းရင်းမြစ်များ

Psonm 18:15

SENYER! Devan ou bann menas, devan tanpet ou lakoler, fon lanmer ti aparet e fondasyon later ti ganny ekspoze.

Psonm 29:3

Dan son mazeste, SENYER Bondye i fer tande son lavwa lo delo. Son lavwa i parey loraz, i rezonnen lo bann losean.

Psonm 29:4

Lavwa SENYER i rezonn avek gran pwisans. Lavwa SENYER i ranpli avek mazeste.

Psonm 78:66

I ti atak son bann lennmi ki ti pe sove. I ti fer zot tonm dan laont pour touzour.

Zakari 4:6

I ti dir mwan, “La parol SENYER pour Zorobabel: Pa par pwisans, ni par lafors, me par mon lespri, SENYER liniver ki deklare.

Deterononm 28:7

SENYER ava donn ou laviktwar ler ou bann lennmi ava atak ou. Zot ava atak ou par en semen, me zot ava sove dan tou direksyon.

Zozye 10:10

SENYER ti fer bann Amorit sove devan bann Izraelit ki ti bat zot dan Gabaon. Bann Izraelit ti pourswiv zot dan monte Bet-Horonn, e kontinyen ziska Azeka e Makeda.

Ziz 4:15

Alor, devan Barak, SENYER ti fer Sisera panike, li, avek tou son bann kales lager ek tou son larme. I ti masakre zot tou. Sisera ti desann depi son kales lager e sove apye.

Ziz 5:20

Bann zetwal dan lesyel ti konbat; depi zot larout, zot in konbat kont Sisera.

Ziz 5:8

Ler zot ti swazir bann nouvo bondye, lager ti devan laport lavil. Pa ti annan ni boukliye ni lans pour 40,000 zonm dan Izrael.

1 Samyel 12:17

Ozordi, pa i zour rekolt dible? Mon pou enplor SENYER e i pou fer loraz gronnyen e fer tonbe lapli. Alor, zot ava konpran ki zot in tre mal azir devan SENYER an demandan en lerwa.

1 Samyel 14:15

Ti annan lafreyer dan kan, dan zalantour e parmi lepep antye. Bann zonm dan kan ensi ki bann ki ti pe atake, ti tranble avek lafreyer. Later ti tranble; ti annan lafreyer terib.

1 Samyel 2:10

Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.

1 Samyel 7:11

Bann zonm Izrael ti sorti Mispa, pourswiv bann Filisten e bat zot ziska devan Bet-Kar.