1 Samyel 6:4 - Labib An Kreol Seselwa

⁴ Bann Filisten ti demande, “Ki kalite rekonpans nou kapab ofer li?” Zot ti reponn, “Senk lobze annor ek senk souri annor dapre lakantite sef Filisten, akoz menm fleo ti tonm lo zot tou e lo bann sef osi.

1 Samyel 6:4 ပူးပေါင်းရင်းမြစ်များ

Egzod 12:35

Pep Izrael ti'n fer parey Moiz ti'n dir zot: Zot ti'n demann bann Ezipsyen bann lobze annarzan, annor ek lenz.

Zozye 13:3

depi toran Sihor ki anfas avek Lezip, ziska frontyer avek Ekronn dan Nor, ki ganny konsidere koman teritwar bann Kananeen, e ki ganny okipe par senk sef rwayonm bann Filisten: Gaza, Asdod, Askelonn, Gat ek Ekronn, ensi ki teritwar bann Avit;

Ziz 14:19

Alor, lespri SENYER ti desann lo li, e Sanmson ti desann Askelonn. I ti touy 30 zonm, depouy e donn bann lenz lafet avek sa bann ki ti'n eksplik sa zedmo. I ti remont kot son papa byen ankoler.

Ziz 3:3

Sa senk sef bann Filisten, tou bann Kananeen, bann Sidonit, bann Hivit ki ti pe reste dan rezyon montanny Liban, depi montanny Baal-Hermon ziska Lebo-Hamat.

1 Samyel 5:12

Bann ki pa ti mor ti'n ganny bann boubou e zot demann pour sekour ti monte ziska lesyel.

1 Samyel 5:6

Lanmen SENYER ti pini zabitan Asdod; i ti montre son pwisans par bann katastrof e bann boubou ki i ti anvoy lo zot.

1 Samyel 5:9

Me, de ki Kof Bondye ti'n ariv Gat, lanmen SENYER ti tap lavil. En gran lafreyer ti tonm lo bann zabitan, pli pti ziska pli gran; zot ti ganny en kantite boubou.

1 Samyel 6:5

Fer bann reprezantasyon zot bann boubou, ek reprezantasyon zot bann souri ki devaste pei; rann glwar Bondye Izrael. Kekfwa i ava mwen sever anver zot, anver zot bondye, e anver zot pei.

1 Samyel 6:8

Zot ava pran Kof SENYER e met li lo saret; zot ava met dan en kes akote, bann lobze annor ki zot ava ofer Bondye pour pardon zot pese, e zot ava les saret ale.