1 Samyel 6:3 - Labib An Kreol Seselwa

³ Zot ti dir, “Si zot fer retournen Kof Bondye Izrael, pa retourn li san rekonpans, omwen ofer en don. Konmsa, zot ava ganny gerizon e zot ava konnen akoz i'n kontinyen pini zot.”

1 Samyel 6:3 ပူးပေါင်းရင်းမြစ်များ

Liv Zob 10:2

Mon pou dir Bondye: Pa kondann mwan. Fer mwan konnen ki repros ou annan kont mwan.

Egzod 23:15

Ou ava obzerv lafet Dipen san lelven. Ou ava manz dipen san lelven pandan set zour, parey mon'n ordonn ou, dan letan fikse dan mwan Abib, kan zot ti sorti Lezip. Personn pa pou vin devan mwan lanmen vid.

Egzod 34:20

Ou ava reaste premye ne en bourik kont en mouton. Si ou pa reaste li, ou ava kas son likou. Ou ava reaste tou premye ne parmi ou bann zanfan. Personn pa vin dan mon sanktyer lanmen vid.

Egzod 8:15

Me ler Faraon ti war ki ti nepli annan danze, i ti andirsi son leker e parey SENYER ti'n dir, i pa ti ekout zot.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Levitik 6:6

Koman sakrifis reparasyon pour SENYER, i devre anmenn kot pret en mouton mal san defo sorti dan son troupo, oubyen son lekivalan.

Deterononm 16:16

Trwa fwa par an, pour lokazyon lafet dipen san lelven, lafet Rekolt ek lafet Latant, tou bann zonm ava prezant zot devan SENYER, ou Bondye, la kot i ava swazir. Zot pa pou vin devan SENYER lanmen vid.

1 Samyel 5:11

Alor, zot ti rasanble tou bann sef Filisten e dir zot, “Retourn Kof Bondye Izrael dan son pei, sinon nou ek nou pep, nou pou mor.” Annefe, SENYER ti'n montre son pwisans lo lavil; ti annan gran lafreyer.

1 Samyel 5:7

Ler bann zabitan Asdod ti war sa ki ti pe arive avek zot, zot ti dir: Kof Bondye Izrael pa devre reste isi kot nou. Akoz sa, Bondye in pini nou ek Dagon nou Bondye.

1 Samyel 5:9

Me, de ki Kof Bondye ti'n ariv Gat, lanmen SENYER ti tap lavil. En gran lafreyer ti tonm lo bann zabitan, pli pti ziska pli gran; zot ti ganny en kantite boubou.

1 Samyel 6:8

Zot ava pran Kof SENYER e met li lo saret; zot ava met dan en kes akote, bann lobze annor ki zot ava ofer Bondye pour pardon zot pese, e zot ava les saret ale.

1 Samyel 6:9

Zot ava veye si i pran semen dan direksyon Bet-Semes; alor, nou ava konnen ki vreman Bondye Izrael ki'n anvoy tou sa bann maler lo nou; si i al dan lot direksyon, nou ava konnen ki sa bann maler in ariv par azar, pa li ki'n anvoy zot lo nou.”