1 Samyel 5:7 - Labib An Kreol Seselwa

⁷ Ler bann zabitan Asdod ti war sa ki ti pe arive avek zot, zot ti dir: Kof Bondye Izrael pa devre reste isi kot nou. Akoz sa, Bondye in pini nou ek Dagon nou Bondye.

1 Samyel 5:7 ပူးပေါင်းရင်းမြစ်များ

2 Samyel 6:9

Alor, David ti per SENYER. I ti dir: Ki mannyer Kof SENYER pour kapab antre kot mwan?

1 Kronik 15:13

Akoz zot pa ti la premye fwa, SENYER, nou Bondye in pini nou akoz nou pa'n pran ka avek li dapre son lord.”

Egzod 10:7

Dimoun dan lantouraz Faraon ti dir: Ziska kan sa zonm pou kontinyen anmenn maler lo nou? Les sa pep ale pour zot al servi SENYER, zot Bondye. Eski ou pa ankor konpran ki Lezip in ganny detri?

Egzod 12:33

Bann Ezipsyen ti fer bann Izraelit degaze pour kit pei pli vit posib, akoz zot ti pe dir: Nou tou nou pou mor.

Egzod 8:28

Alor Faraon ti dir, “Mon pou les zot ale pour ofer sakrifis pour zot Bondye dan dezer, me selman pa al tro lwen. Priy pour mwan.”

Egzod 8:8

Faraon ti apel Moiz ek Aaron. I ti dir zot, “Priy SENYER pour tir sa bann grenouy kot mwan e kot mon pep. Answit, mon ava les bann Izraelit al ofer bann sakrifis pour zot SENYER.”

Egzod 9:28

Sipliy SENYER pour ki i fer arete loraz ek lagrel. Mon pou les zot ale; nou pa pou gard zot pli lontan.”

Zeremi 46:25

La sa ki SENYER liniver, Bondye Izrael i deklare: Mon pou pini Amonn, bondye lavil Teb. Mon pou osi pini Faraon ek tou Lezip antye, son bann bondye e son bann lerwa. Wi! Mon pou pini Faraon e tou sa bann dimoun ki met zot konfyans dan li.

Zeremi 48:7

Moab! Akoz ou ti met ou konfyans dan ou prop lafors e dan ou larises, ou osi, ou pou pri. Kemos pou al annegzil avek son bann pret ek son bann sef.

1 Samyel 4:8

Maler lo nou! Lekel ki pou delivre nou dan lanmen sa bann bondye? Sanmenm sa bann bondye ki ti pini bann Ezipsyen avek toudsort fleo dan dezer.

1 Samyel 5:6

Lanmen SENYER ti pini zabitan Asdod; i ti montre son pwisans par bann katastrof e bann boubou ki i ti anvoy lo zot.

1 Samyel 5:8

Zot ti fer vin tou bann sef Filisten ki zot ti rasanble se zot e demande, “Ki nou pou fer avek Kof Bondye Izrael?” Bann sef ti reponn, “Fodre al depoz sa Kof Bondye Izrael Gat.” Alor, zot ti anmenn Kof Bondye Izrael Gat.

1 Samyel 6:20

Bann zabitan Bet-Semes ti demande: Lekel ki kapab reziste dan prezans SENYER, sa Bondye sen? Kote Kof SENYER pou ale ler i ava sorti isi?