1 Samyel 5:3 - Labib An Kreol Seselwa

³ Kan bann zabitan Asdod ti leve lannmen granmaten, zot ti war Dagon lafas ater devan Kof SENYER. Zot ti pran Dagon e remet li dan son plas.

1 Samyel 5:3 ပူးပေါင်းရင်းမြစ်များ

1 Rwa 18:26

Zot ti pran sa toro ki zot ti'n gannyen e zot ti prepar li. Zot ti envok Baal depi bomaten ziska midi: “Baal! Reponn nou.” Me pa ti annan okenn lavwa, ni repons. Zot ti sote otour lotel ki zot ti'n fer.

Psonm 115:7

Zot annan lanmen, me zot pa kapab tate. Zot annan lipye, me zot pa kapab marse. Okenn son pa sorti dan zot lagorz.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Egzod 12:12

Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 40:20

Sa enn ki tro pov pour fer en tel lofrann, i swazir en morso dibwa byen dir. I pou rod en bon artizan ki kapab fer en stati ki tenir san branle.

Ezai 41:7

Artizan pou ankouraz lorfev. Sa enn ki travay avek marto pou ankouraz forzron lo lanklim. I dir: Lasoudir in byen pran! Zot klout sa zidol pour li pa branle.

Ezai 46:7

Zot met li lo zot zepol e zot anmenn li; zot al depoz li dan son plas e i reste debout. I pa kapab bouze kot i ete. Si en dimoun i vin sipliy li, i pa reponn. I pa ni kapab sov personn dan son maler.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Mark 3:11

Kan bann ki ti pe ganny tourmante par bann move lespri ti war Zezi, zot ti tonm devan li e kriye: Ou menm Garson Bondye!

1 Samyel 6:1

Kof SENYER ti reste set mwan dan pei bann Filisten.

1 Samyel 6:5

Fer bann reprezantasyon zot bann boubou, ek reprezantasyon zot bann souri ki devaste pei; rann glwar Bondye Izrael. Kekfwa i ava mwen sever anver zot, anver zot bondye, e anver zot pei.