1 Samyel 5:2 - Labib An Kreol Seselwa

² Zot ti'n pran Kof Bondye e met li dan tanp Dagon, akote Dagon.

1 Samyel 5:2 ပူးပေါင်းရင်းမြစ်များ

1 Kronik 10:10

Apre, zot ti depoz son bann zarm dan tanp zot Bondye e zot ti plas son latet dan tanp Dagon.

1 Kronik 10:8

Lannmen, ler bann Filisten ti vin depouy bann kadav, zot ti trouv lekor Sail ek son bann garson lo montanny Gilboa.

Danyel 5:2

Anba lefe diven, Baltazar ti donn lord pour anmenn bann istansil annor e annarzan ki son papa Naboukodonozor ti'n pran dan tanp Zerizalenm. I ti servi pour bwar ladan, li avek son bann gran zofisye, son bann fanm, ek son bann menazer.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Habakouk 1:11

Alor, zot pase parey en gro divan e kontiny zot semen. Sa ki enportan pour zot, se zot lafors. Zot pran lafors pour zot bondye.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Ziz 16:23

Bann sef Filisten ti rasanble pour ofer en gran sakrifis pour zot bondye, Dagon, e osi pour fer lafet. Zot ti dir, “Nou bondye in livre nou lennmi Sanmson, dan nou lanmen.”