1 Samyel 4:5 - Labib An Kreol Seselwa

⁵ Kan Kof lalyans SENYER ti antre dan kan, pep Izrael antye ti dan lazwa e zot ti lans en gran laklamasyon; later ti tranble.

1 Samyel 4:5 ပူးပေါင်းရင်းမြစ်များ

2 Samyel 15:24

Sadok osi ti la avek tou bann levit ki ti pe anmenn Kof Lalyans Bondye. Zot ti depoz Kof Lalyans Bondye ziska ki tou lepep ti'n fini sorti dan lavil.

1 Rwa 1:40

Tou dimoun ti swiv deryer li; zot ti zwe laflit e selebre. Dan lazwa, zot ti fer later tranble avek tapaz.

Liv Zob 20:5

boner bann malfeter pa dire; e ki lazwa en malfeter i kourt?

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Amos 6:3

Ou krwar ou kapab fer rekile sa zour maler; me ou pe zis apel renny lavyolans.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Zozye 6:20

Alor, lepep ti kriye, e bann tronpet ti sonnen. De ki lepep ti antann son bann tronpet, zot ti kriye, e miray ti degrengole. Deswit, pep Izraelit ti lans devan, atak lavil e kaptir li.

Zozye 6:5

Ler zot ava antann tronpet korn bouk soufle, lepep antye ava kriye avek en gran laklamasyon. Alor, miray lavil ava tonm plat ater e lepep ava atake drwat devan zot.”

Ziz 15:14

Ler Sanmson ti ariv Lei, bann Filisten ti vin rankontre li an kriyan. Alor, lespri SENYER ti pran kontrol Sanmson. Bann lakord ki ti otour son lebra ti vin parey lapay brile par dife, e tonbe dan son lanmen.

1 Samyel 4:6

Bann Filisten ti antann sa tapaz laklamasyon e zot ti demande: Ki savedir sa tapaz dan kan pep Ebre? Zot ti aprann ki Kof SENYER ti'n ariv dan kan.