1 Samyel 4:3 - Labib An Kreol Seselwa

³ Kan leres bann zonm Izrael ti retourn dan zot kan, bann ansyen ti demande: Akoz SENYER in les nou ganny bate par bann Filisten ozordi? Annou al sers Kof lalyans Silo e anmenn li isi, pour ki SENYER ava la parmi nou e i ava sov nou dan lanmen nou bann lennmi.

1 Samyel 4:3 ပူးပေါင်းရင်းမြစ်များ

2 Samyel 15:25

Lerwa ti dir Sadok, “Retourn Kof Bondye dan lavil. Si SENYER i montre mwan son labonte, i ava fer mwan retournen, e i ava fer mwan revwar Kof ek son landrwa sakre.

1 Kronik 17:1

Kan David ti'n al reste dan son lakaz, i ti dir avek profet Natan, “Mwan mon pe reste dan en lakaz an bwa sed, me Kof Lalyans SENYER i dan en latant.”

Psonm 74:1

Mon Bondye! Akoz ou'n rezet nou pour touzour? Akoz sa gran lakoler kont nou, ou troupo?

Psonm 74:11

Akoz ou pa lev ou lanmen drwat? Akoz ou reste lebra krwaze?

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 58:3

Akfer nou fer en zenn si ou pa war nou? Akfer nou imilye nou, si ou pa pran ka? Zour zot fer en zenn, zot rod zot prop lentere e zot kraz tou zot bann travayer.

Ezai 59:1

Pa krwar lebra SENYER i tro kourt pour li pa kapab sove; ni son zorey tro dir pour li pa tande.

Ezai 59:2

Me plito ou bann fot ki'n separ ou avek ou Bondye; ou bann pese ki'n fer li kasyet son figir e ki'n anpes li antann ou.

Zeremi 3:16

Kan ou ava vin en gran nasyon dan sa pei, dimoun pou nepli koz lo Kof lalyans SENYER. Zot pou nepli mazin sa. Zot pou nepli bezwen li e personn pa pou mazin fer en lot.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Nonm 10:33

Alor, lepep ti kit montanny SENYER pour en vwayaz trwa zour apye. Kof Lalyans SENYER ti al devan zot. I ti pran zot trwa zour pour rod en landrwa pour repoze.

Nonm 10:35

Sak fwa ki Kof Lalyans ti deplase, Moiz ti priye: Leve SENYER! Fer ou bann lennmi disperse; fer sa bann ki ay ou fannen partou.

Nonm 31:6

Moiz ti anvoy zot lager 1,000 par tribi ansanm avek Fineas, garson pret Eleazar ki ti ansarz bann lobze sakre ek bann tronpet.

Deterononm 29:24

Alor, tou bann nasyon ava demande: Akoz SENYER in fer sa avek sa pei? Kwa ki'n fer monte en si gran lakoler?

Deterononm 31:26

Pran sa liv lalwa e met li dan Kof Lalyans SENYER, zot Bondye. I ava reste la koman en temwen kont ou.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.

Zozye 4:7

Zot ava reponn ki delo larivyer Zourden ti koup an de devan Kof Lalyans SENYER. Kan Kof ti pas dan larivyer Zourden, delo Zourden ti koup an de. Konmsa, sa bann ros ava vin en memoryal pour bann Izraelit.

Zozye 6:6

Zozye, garson Noun, ti konvok bann pret. I ti dir zot, “Pran Kof lalyans. Set pret ava anmenn set tronpet korn bouk devan Kof Lalyans SENYER.”

Zozye 7:7

Zozye ti dir, “Senyer BONDYE, akoz ou'n fer sa pep travers larivyer Zourden zis pour livre nou dan lanmen bann Amorit e detri nou? Nou ti'n devre reste lot kote larivyer Zourden!

Zozye 7:8

Pardon SENYER, me ki mon kapab dir, la ki Izrael in vir ledo e sove devan son bann lennmi!

1 Pyer 3:21

Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

Let Zid 1:5

Menm si zot konn tousala tre byen, mon profite pour rapel zot ki mannyer Bondye ti sov pep Izrael kan i ti fer li sorti Lezip. Me apre i ti detri tou bann ki ti refize krwar dan li.

1 Samyel 1:24

Apre ki i ti'n sevre li, i ti anmenn li dan tanp Silo. I ti pran osi avek li en pti toro 3 an, en sak lafarin ek en sak ranpli avek diven.

1 Samyel 14:18

Sail ti dir Ahiya, “Anmenn Kof Bondye isi.” Annefe, dan sa letan, Kof Bondye ti kot bann Izraelit.

1 Samyel 4:2

Bann Filisten ti pran zot pozisyon kont pep Izrael, e lager ti deklare. Zot ti bat pep Izrael, e touy anviron 4,000 zonm dan sa batay.