1 Samyel 22:2 - Labib An Kreol Seselwa

² Tou dimoun ki ti dan problenm, tou bann ki ti annan det, e ki ti dan fristrasyon, ti rasanble kot li, e i ti vin zot sef. Ti annan apepre 400 zonm avek li.

1 Samyel 22:2 ပူးပေါင်းရင်းမြစ်များ

2 Samyel 17:8

I ti azoute, “Ou konn tre byen ou papa ek son bann zonm: Zot bann gerye; zot ankoler parey en lours ki'n perdi son piti dan lakanpanny. Ou papa i en gerye; i pa pou pas lannwit avek lepep.

2 Samyel 5:2

Lontan, ler Sail ti nou lerwa, ou ki ti diriz tou bann ekspedisyon militer. SENYER ti dir avek ou, Ou pou gouvern mon pep Izrael, e ou pou vin sef pep Izrael.”

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

2 Rwa 4:1

Fanm enn bann profet ti sipliy Elize, “Ou serviter, mon mari in mor, e ou konnen ki i ti annan gran respe pour SENYER. Me en zonm ki'n pret nou larzan in vini pour pran mon de garson pour fer zot son lesklav.”

Proverb 31:6

Donn labwason for sa enn ki pou mor, diven sa enn ki tris,

Matye 11:12

Depi lepok ki Zanbatis ti prese, ziska aprezan, Rwayonm lesyel in pas par vyolans; e se dimoun vyolan ki esey pran posesyon.

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Ebre 2:10

Annefe, Bondye, pour ki e par ki tou keksoz i egziste, in rann Zezi parfe atraver son soufrans. Par son soufrans, Zezi in fer bokou son bann zanfan partisip dan son laglwar. Li menm ki'n sov zot.

Ziz 11:3

Zefte ti sove lwen avek son bann frer. I ti al enstal li dan pei Tob. Bann bandi ti asosye zot avek Zefte. Ansanm, zot ti fer bann latak.

Ziz 18:25

Bann Danit ti dir li, “Ase fer tapaz, sinon bann zonm ankoler ava kapab atak zot e akoz ou, zot ava perdi zot lavi ek zot fanmir.”

1 Samyel 1:10

Ranpli avek lanmertim, Ann ti priy SENYER e plere asodlarm.

1 Samyel 22:3

David ti kit sa landrwa e al Mispa dan pei Moab. I ti dir avek lerwa Moab, “Mon demann ou pour les mon manman ek mon papa vin reste kot ou, ziska mon ki konnen sa ki Bondye pou fer avek mwan.”

1 Samyel 23:13

Alor, David ek son bann zonm, anviron 600 an tou, ti kit lavil Keila; zot ti ale ziska kot zot ti kapab arive. Sail ti tande ki David in sove Keila. Alor, i ti abandonn sa latak.

1 Samyel 25:13

Alor David ti dir son bann zonm, “Tou dimoun pran son lepe.” Zot ti met zot lepe dan zot sang. David osi ti pran son lepe, e anviron 400 zonm ti swiv li pour al lager; 200 ti reste pour vey bann bagaz.

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.

1 Samyel 9:16

Demen, apepre menm ler, mon pou anvoy en zonm dan tribi Benzamen kot ou. Ou ava vers delwil lo li pour konsakre li, koman sef mon pep, Izrael. I pou delivre mon pep anba pouvwar bann Filisten. Mon'n war soufrans mon pep, e zot plent in ariv ziska kot mwan.