1 Samyel 20:3 - Labib An Kreol Seselwa

³ David ti fer ankor sa serman, “Ou papa i konn tre byen lanmour ki ou annan pour mwan. I ti mazinen: Zonatan pa devre konn sa akoz i ava soufer. Me par SENYER ki vivan e par ou prop lavi, i annan zis en pa ant mwan ek lanmor.”

1 Samyel 20:3 ပူးပေါင်းရင်းမြစ်များ

2 Samyel 15:21

Itai ti reponn lerwa, “Lo lavi SENYER, e lo ou lavi, mon rwa, mon senyer! Kot ou pou ete, pou mor, oubyen pour viv, mwan, ou serviter mon pou lanmenm.”

2 Rwa 2:2

Eli ti dir Elize, “Mon demann ou reste isi, akoz SENYER in anvoy mwan ziska Betel.” Me Elize ti dir li, “Par lavi SENYER e par ou lavi, mon pa pou kit ou.” Alor, zot ti desann ansanm ziska Betel.

2 Rwa 2:4

Eli ti dir li, “Elize! Mon demann ou reste isi, akoz SENYER in anvoy mwan Zeriko.” Me Elize ti dir, “Par lavi SENYER, e par ou lavi, mon pa pou kit ou.” Alor, zot ti ariv Zeriko.

2 Rwa 2:6

Eli ti dir Elize, “Mon demann ou reste isi, akoz SENYER in anvoy mwan kot larivyer Zourden.” Me Elize ti dir, “Par lavi SENYER e par ou lavi, mon pa pou kit ou.” Tou le de ti kontiny zot semen.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Zeremi 38:16

Alor, an sekre, lerwa Sedesyas ti fer sa promes avek Zeremi, “Mon fer serman, devan SENYER ki vivan, ki'n donn nou lavi: Mon pa pou fer ou ganny touye, e mon pa pou livre ou dan lanmen sa bann zonm ki oule touy ou.”

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Deterononm 28:66

Ou lavi pou touzour an danze. Lizour koman aswar, ou pou viv dan lafreyer e enkyet pour ou legzistans.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Ebre 6:16

Kan en dimoun i fer en serman, i fer li par enn ki pli gran ki li. Sa serman i konfirm tou sa ki i'n dir, e fer arete tou largiman.

1 Samyel 1:26

Ann ti dir Eli, “Pardon mon senyer! I vre! Mwan menm sa fanm ki ti debout isi pour priy SENYER.

1 Samyel 17:55

Kan Sail ti war David pe al lager kont sa Filisten, i ti demann Abner, komandan larme, “Abner! Pour ki sa garson?” Abner ti reponn, “Mon pa konnen, mon rwa.”

1 Samyel 20:2

Zonatan ti reponn li, “Zanmen! Ou pa pou mor. Mon papa pa fer nanryen ditou san dir mwan. Akoz alor, eski i ava kasyet sa avek mwan? Pa posib.”

1 Samyel 20:4

Zonatan ti dir David, “Mon ava fer tou sa ki ou oule.”

1 Samyel 25:26

Aprezan, par lavi SENYER e par ou prop lavi, pour ou prop byen, SENYER ki'n anpes ou vers disan pour vanze. Mon demande ki ou bann lennmi, bann ki oule fer ou dimal, i pas parey Nabal.

1 Samyel 27:1

David ti dir dan li menm: En zour ou lot, mon pou mor par lanmen Sail. Meyer keksoz mon kapab fer, se sove e al dan pei bann Filisten. Konmsa, Sail ava aret rod mwan partou dan teritwar Izrael; konmsa, mon ava kapab sape.