1 Samyel 2:6 - Labib An Kreol Seselwa

⁶ SENYER i donn lanmor e i fer reviv; I fer desann dan latonm e fer remonte.

1 Samyel 2:6 ပူးပေါင်းရင်းမြစ်များ

1 Rwa 17:22

SENYER ti ekout Eli; souf lavi sa zanfan ti retourn dan li e i ti reviv.

2 Rwa 5:7

Kan lerwa Izrael ti lir sa let, i ti desir son lenz e dir, “Eski mwan Bondye pour fer dimoun mor e fer zot reviv, pour li demann mwan debaras en zonm avek son lalep? Gete si i pa pe zis rod en problenm avek mwan.”

Liv Zob 5:18

Bondye ki blese e ki panse. Sa enn ki i fer soufer, son lanmen i geri.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Psonm 30:4

Sant pour SENYER, zot son pep fidel! Loue SENYER, akoz son non i sen!

Psonm 68:20

Nou Bondye i en Bondye sover. BONDYE i Senyer ki sov nou dan lanmor.

Psonm 71:20

Menm si ou'n fer mwan konn maler ek soufrans, ou pou redonn mwan lavi; ou pou fer mwan remonte, sorti dan profonder later.

Eklezyas 3:3

I annan en letan pour touye e en letan pour gerir; en letan pour demolir e letan pour konstrir.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

Ezekyel 37:12

Alor, anons zot: La sa ki Senyer BONDYE i deklare: Mon pou ouver zot bann tonbo; mon pou fer zot remonte sorti dan zot latonm! Mon pep! Mon pou fer zot retourn lo later Izrael.

Ezekyel 37:3

I ti dir mwan, “Ou ki en imen, eski sa bann lezo, i kapab reviv?” Mon ti reponn, “Senyer BONDYE, zis ou ki konnen!”

Matye 12:40

Annefe, parey Zonas ti pas trwa zour ek trwa nwit dan vant balenn, Fis-de-Lonm pou pas trwa zour ek trwa nwit dan vant later.

Levanzil dapre Zan 11:25

Zezi ti dir li, “Mwan menm, rezireksyon ek lavi. Sa enn ki krwar dan mwan, menm si i ava'n mor, i pou viv.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Revelasyon 1:18

sa enn ki vivan. Mon ti'n mor, me la mon vivan pour touzour. Mon posed lakle lanmor ek lakle lemonn lanmor.

1 Samyel 20:3

David ti fer ankor sa serman, “Ou papa i konn tre byen lanmour ki ou annan pour mwan. I ti mazinen: Zonatan pa devre konn sa akoz i ava soufer. Me par SENYER ki vivan e par ou prop lavi, i annan zis en pa ant mwan ek lanmor.”