1 Samyel 2:2 - Labib An Kreol Seselwa

² Zis SENYER ki sen. Napa personn parey li. Okenn Ros protekter pa parey nou Bondye.

1 Samyel 2:2 ပူးပေါင်းရင်းမြစ်များ

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

2 Samyel 22:32

Lekel ki Bondye apar SENYER? Lekel ki nou Ros protekter apar Bondye?

2 Samyel 7:22

Senyer BONDYE, ou gran! Napa personn parey ou, e dapre sa ki nou'n tande, napa en lot Bondye apard ou.

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

Psonm 111:9

In donn delivrans son pep; in donn li son lalyans pour touzour. Son non i sen e formidab.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 18:31

Lekel ki Bondye apar SENYER? Lekel ki nou Ros protekter apar Bondye?

Psonm 71:19

Mon Bondye! Ou lazistis i sitan gran ki i tous lesyel. Mon Bondye! Ou'n fer telman gran mervey! Mon Bondye! Lekel ki parey ou?

Psonm 71:3

Ou menm sa Ros protekter, landrwa kot mon kapab vini nenport ki moman. Ou'n deside sov mwan, akoz ou mon Ros protekter e mon fortres.

Psonm 73:25

Lekel ki mon annan dan lesyel apard ou? Lo later, mon sel dezir, se zis ou.

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Psonm 89:6

Lekel dan lesyel ki parey SENYER? Lekel parmi bann zabitan dan lesyel ki parey SENYER?

Psonm 89:8

SENYER, Bondye liniver! Lekel ki osi pwisan ki ou, SENYER? Ou fidelite i antour ou.

Psonm 99:3

Loue son non ki gran e formidab. SENYER, i sen.

Psonm 99:5

Loue SENYER, nou Bondye! Ador li devan son tronn! SENYER, i sen.

Psonm 99:9

Proklanmen ki SENYER, nou Bondye i gran! Prosternen devan son montanny sen, akoz SENYER, nou Bondye i Sen.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Ezai 40:18

Avek ki alor ou pou konpar Bondye? Lekel ki resanble li?

Ezai 44:6

La sa ki SENYER, lerwa Izrael son Sover, SENYER liniver i deklare: Mwan menm premye, mwan menm dernyen. Apard mwan, napa okenn lot Bondye.

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 6:3

Zot ti pe apel kanmarad. Zot ti dir: Sen, sen, sen SENYER liniver! Later antye i ranpli avek son prezans!

Zeremi 10:6

SENYER! Napa personn parey ou. Ou gran e ou non i gran e pwisan.

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Levitik 19:2

Koz avek pep Izrael: Zot ava sen, akoz mwan SENYER zot Bondye, mon sen.

Romen 15:4

Tou sa ki'n ganny ekri dan lepase in ganny ekri pour enstrir nou, pour ki par perseverans ek lankourazman ki Lekritir i donnen, nou posed lesperans.

Romen 4:8

Byennere sa enn ki Senyer pa pran kont son pese.

Deterononm 3:24

Senyer BONDYE! Ou'n konmans montre mwan, ou serviter, ou grander ek ou pwisans. Napa lot bondye dan lesyel oubyen lo later ki kapab akonpli bann mervey ek bann aksyon formidab!

Deterononm 32:20

I ti dir: Mon pou deles zot. Mon pou gete sa ki zot pou devenir, akoz zot en zenerasyon dezenere, en bann zanfan san fidelite.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

1 Pyer 1:16

Annefe, Lekritir i deklare: Vin sen akoz mwan mon sen.